Wp/kus/Mary-Margaret Issaka

Mary-Margaret Issaka

human

Sex or gender	female
Country of citizenship	Ghana
Place of birth	Bolgatanga
Occupation	program director

Mary- Margaret Issaka anɛ Program Manager tis Centre for Sustainable Development Initiatives (CENSUDI), asʋ’ʋ-m-mɛŋ lʋgʋr kanɛ tʋm nɛ pʋ’ab Region la ni. O yinɛ Bolgatanga bɛ Upper East Region sʋ'ʋlim, Ghana.

Mrs Margaret-Mary Issaka onɛ an Director tis Centre for Sustainable Development Initiatives (CENSUDI) dinɛ an lead agency tis NNED la pian’a ba NNED la’astita’arin Bolgatanga ye, ba ya’a na sʋŋ gbaʋŋ zamisʋg, asɛɛ ka ba gɔs ka mɛ’ sakur dɔɔdi sʋŋ Sakuya banɛ dɔɔdi li nɛ banɛ ka’ dɔɔd la. O da yɛl ye Assembly nam la sʋŋya hali gbaʋŋ zamisʋg yɛla region bama ni.

O da yɛl ye pʋ’ab bɛdegʋ sʋ’ʋlimin la sʋŋ temmaalʋg ni bɛdegʋ nwɛnɛ gbaʋŋ zamisʋg ni, nimma’asim ni, pɔlitis ni nɛ asʋ’ʋ-m-mɛŋ tʋʋmanamin.

Vɛɛnsʋg

Madam Issaka yɛl ye vɛɛnsʋg labaya la mɛ lɛm pa’al ye gbaʋŋ zamisʋg suopaal kanɛ ka gɔmena mɔrna la pin’ili tʋm Sakuya ni, amaa gbana kae na sʋŋ ka zamisʋg nɛ pa’alʋg keŋ sʋ’ʋŋaa. O bɛlim Ghana Education Service (GES) ye ba bɔ suobanɛ ka ba na dɔl ka gbambanɛ nar ye ba nɔki zamis paae sakuya la ni sankanɛ nari ka sakur biis nyaŋi zamis sʋ’ʋŋa. O pa’al ye ban pʋ kpɛmisid pa’annib la nɛ piini yɛla kɛ ka dasam nɛ pʋ’asada pʋ mɔr ya’alɛog ye ba lieb pa’aniba.

Dɔlisid vɛɛnskanɛ ka NNED maal la, Madam Issaka ye vɛɛnsʋg labaya la pa’al ye sakur biis banɛ bɛ Kassena-Nankana District la bɛdegʋ pʋ bɔɔd ye ba lieb pa’aniba amaa ka lɛɛ gaansid tʋʋmsieba.

O pa’al ye pʋ’asada yʋ’ʋm paamid sakuri ken sʋ’ʋŋa gaad din da an si’em, pʋ’ab sʋŋir sʋ’ʋlimin la nɛ temmaalʋg ni na maligim gaad din an si’em la.

DOVSU

Mrs Margaret-Mary Issaka sa’al banɛ ka ba daamidi ba yaan ye ba zamis act la sʋ’ʋŋa ka baŋ dinɛ bɛ di ni ka di nyaŋi sʋŋi ba ka ba zab daʋŋ kanɛ na paae ba wʋsa.

O da yɛl banɛ bɛ la’asʋg la ni ye ba da zɔ’ nyan bɛɛ dabi’em nɛ ban na pɔɔtim domestic violence yɛla tis lʋgʋr kanɛ gɔsidi di yɛl ka ba sʋŋi maal yɛl la tisi ba ka lɛn yɛl ye sʋ’ʋlimnam wʋsa mɔɔm ka gu’oe Domestic violence dɔlisid ban na pɔɔtim tis lʋgʋr kanɛ gɔsidi di yɛla.

Mrs Issaka bɛlim buudi kpɛɛmnam ye ba mɔ’ ka yis Domestic violence wʋsa ba sʋ’ʋlimin.

Region banɛ paam sʋŋiri yi lʋgʋr la ni anɛ Brong Ahafo, Volta, Upper West, Northern nɛ Upper East Region.