Wp/kus/Fortunate Atubiga

Fortunate Atubiga

human

Sex or gender	male
Country of citizenship	Ghana
Date of birth	27 July 1950
Languages spoken, written or signed	English
Occupation	politician, businessperson
Position held	Member of the 2nd Parliament of the 4th Republic of Ghana, Member of the 1st Parliament of the 4th Republic of Ghana
Educated at	unknown value
Religion or worldview	Christianity

Fortunate Atubiga (Ba da du’a o nɛ yʋʋm tusir, kɔbiswai nɛ pisnu nwadisa anii la dabpisi nɛ ayɔpɔi daar, 27 July 1950) ka o an Ghana pɔlitis nwɛ’ɛd. O da paasnɛ Ghana Fourth Republic wadmaanib yikanɛ an yiiga nɛ ayi la ni zi’eni tis Binduri Constituency bɛ Upper East Region sʋ’ʋlim, Ghana.

On sin’iŋ si’em nɛ o sakur yɛla

Ba da du’a Atubiga nɛ yʋʋm tusir, kɔbiswai nɛ pisnu nwadisa anii la dabpisi nɛ ayɔpɔi daar, (27 July 1950), Upper East Regioni bɛ Ghana la. O da zamis gbaʋŋʋ paaenɛ GCE Ordinary Level.

Pɔlitis

Atubiga da zi’en Ma’asim tiig Na’adɔɔg, National Democratic Congress nɔba zugʋ nya’ Binduri Constituency kʋk la ka kpɛn’ wadmaannib yin yʋʋm tusir, kɔbiswai nɛ piswai nɛ atan yʋʋmpaal nwadig daba ayɔpɔi daar (7 January 1993) ban da yɛl ye o di yʋʋm tusi, kɔbiswai nɛ piswai nɛ ayi Ghana wadmaannib vɔɔtʋg la da bɛ nwadis piinɛ ayi la ni yʋʋm tusir, kɔbiswai nɛ piswai nɛ ayi la.

O da lɛn di kʋk la ya’as yʋʋm tusir, kɔbiswai nɛ piswai nɛ ayuobʋ Ghana dim vɔɔtʋgin la, o da paam vɔɔt tusa piiga, kɔbisyɔpɔi nɛ anaasi (10,704) yi vɔɔt tusa pisi, kɔbistan’ nɛ pisyɔpɔi nɛ atan pʋʋgin (20,373) dinɛ zɛmnɛ pisnaasi du’al pisyɔpɔi kɔbiga pʋʋgin (40.70%) ka bas Asaana Dunstan Ayaribilla onɛ da paam vɔɔt tusa anu, kɔbisnii nɛ ayuobʋ (5,806) dinɛ zɛmnɛ pisi nɛ ayi du’al piiga kɔbiga pʋʋgin (22.10%), Mustafa onɛ da paam vɔɔt tusa ayi, kɔbisyuobʋ nɛ nɛ pisnu nɛ anaasi (2,654) dinɛ zɛmnɛ piiga du’al piiga kɔbiga pʋʋgin (10.10%) nɛ Francis Aboko Ayariga onɛ da paam vɔɔt tusir yinne, kɔbisyi’ nɛ awai (1,209) dinɛ zɛmnɛ anaasi du’al pisyuobʋ kɔbiga pʋʋgin la (4.60%) yi vɔɔt la wʋsa pʋʋgin.

Achidago Bernard Akugri onɛ an Ma’asim tiig Na’adɔɔg, National Democratic Congress nidi da di’e o zi’esim yʋʋm tusa ayi Ghana wʋsa vɔɔtʋg la ni (2000 Ghanaian general elections).

Mɛŋ bɛllim

Atubiga anɛ Kristo biig.