Wp/kus/Ekow Hayford

Ekow Hayford

human

Sex or gender	male
Country of citizenship	Ghana
Name in native language	Ekow Hayford
Given name	Ekow
Family name	Hayford
Date of birth	24 December 1970
Place of birth	Mankessim
Date of death	9 October 2020
Manner of death	homicide
Cause of death	ballistic trauma
Spouse	Ophelia Hayford
Languages spoken, written or signed	English
Occupation	politician, police officer
Position held	Member of the 7th Parliament of the 4th Republic of Ghana
Educated at	Methodist University College, Methodist University
Work location	Mfantseman
Member of political party	New Patriotic Party
Religion or worldview	Christianity

Ekow Hayford (Ba da du’a o nɛ yʋʋm tusir, kɔbiswai nɛ pisyɔpɔi nwadis piinɛ ayi la dabpisi nɛ anaasi daar (24 December 1970 ka o maal ka’alim yʋʋm tusa ayi nɛ pisi nwadis piiga daba awai daar (9 October 2020) o da anɛ Ghana pɔlitis nwɛ’ɛd ka da lɛn an wadmaani paas Seventh Parliament of the Fourth Republic of Ghana zi’eni tis Mfantseman Constituency bɛ Central Region la Wabʋg Na’adɔɔg, New Patriotic Party (NPP) nɔba zug. Ba da kʋʋ o nɛ yʋʋm tusa ayi nɛ pisi nwadis piiga la daba awai daar (9 October 2020) O da lɛn anɛ chief executive officer tis Apam Football Club.

On sin’iŋ si’em nɛ o sakur yɛla

Ba da dʋ’a Hayford yʋʋm tusir, kɔbiswai nɛ pisyɔpɔi nwadis piinɛ ayi la dabpisi nɛ anaasi daar (24 December 1970) Mankessim, Central Region sʋ’ʋlim, Ghana. On ma’aa da aan o ma, Madam Mena Aba Attah biig. O da mɔrnɛ Bachelor of Business Administration degree yi Methodist University College. O da lɛm mɔr Master of Business Administration (Supply Chain Management) degree yi Ghana Institute of Management and Public Administration (GIMPA).

Tʋʋma nɛ pɔlitis

Hayford's yiiga tʋʋma da bɛnɛ Ghana Police Service, ani ka o da tʋm yʋʋm tusir, kɔbiswai nɛ piswai nɛ atan (1993) paae yʋʋm tusir, kɔbiswai nɛ piswai nɛ anii (1998). O da dɔlis kpɛma la ti paae Corporal. O mɛŋ da bas tʋʋma la ka kpɛn’ kpiisʋg. Onɛ da an chief executive officer ka an Manager tis MODISA Lodge nɛ MANTRAC Ghana Limited nwɛnɛ ban tun’ taaba si’em la ka naan kpɛn’ pɔlitis. Yʋʋm tusa ay nɛ piinɛ anu (2015) la ni, Wabʋg na’adɔɔg, New Patriotic Party kpɛɛnnam da vɔɔt o Mfantseman ye o zi’eni ba nɔba zug yʋʋm tusa ayi nɛ piinɛ ayuobʋ (2016) Ghana wʋsa vɔɔtʋg la ni. O da di wadmaan kʋk la nɛ vɔɔt pisnaasi nɛ ayuobʋ du’al pisnii nɛ ayi kɔbiga pʋʋgin (46.82%) yi vɔɔt la wʋsa ni. O da paas la’askanɛ gɔsid Judiciary Committee nɛ Defence and interior committee.

Mɛŋ bɛllim

Hayford da mɔr pʋ’a nɛ biisa anaasi ka da ken Methodist Church. Ba da ye o mɔrnɛ pʋ’aba ayi, Ophelia Quansah Hayford nɛ Sarah Quansah Hayford.

O kum yɛla

Yʋʋm tusa ayi nɛ pisi nwadis piiga la daba awai daar (9 October 2020), on da keŋ nwɛ’ o pɔlitis ka lɛbid yin la, nimbanɛ ka sɔ’ zi’ da nwɛ’ Hayford nɛ malifʋ kʋ. Nɛ’ da naamnɛ Abeadze Dominase – Abeadze Duadzi – Mankessim suoraʋgʋn on da naan pɔlitis nwɛ’ɛbi lɛbidi kun la. Ba ye daʋŋ la da naamnɛ nwɛnɛ Arizum daar bɛogʋn kɛf yinne (1:00 am), Faandiba ayuobʋ da gu’ o suorin la. Labaya pa’al ye ban da kidig o la, ba da yɛl ye Hayford an wadmaan la ka nwɛ’ on ma’aa kʋ ka zɛrig o ye onɛ kɛ ka nidib mɔr daʋŋ teŋ la zug.

Lababanɛ da yina

O pʋ’a Ophelia Hayford da anɛ pʋliŋkpɛɛm kem paae o sidi da maal ka’alim la. Wabʋg na’adɔɔg, NPP dim da gaŋ o ye o di’e o sid nɔbir zi’en na’adɔɔg la nɔba zugʋ nya’ Mfantseman kʋk la yʋʋm tusa ayi nɛ pisi (2020) Ghana wʋsa vɔɔtʋg la. Ani ka di yi paalʋ na ye Hayford sid mɔnrɛ pʋ’aba ayi. O pʋ’abil la, Sarah Quansah Hayford, da mɔrnɛ biisa ayi ka da bɛ kʋʋr la maaligin Mankessim.