Wp/kus/Dauda James Abang-Gos

Dauda James Abang-Gos anɛ Upper East Regional Coordinator tis National Youth Authority Upper East Region sʋ’ʋlim, Ghana.

National Youth Authority

Dauda pa’al ye National Youth Authority (NYA) anɛ lʋgʋr kanɛ ka gɔmena gaad tuoni gɔsid ka dasam nɛ pʋ’asada paamid tʋʋma ka bas suor ka ba pa’ali ba baŋir, dɔlisidi ba tʋʋma ni.

O da pa’al ye National Youth Authority (NYA) la'asnɛ lʋga nwɛnɛ Regional Inter-sectoral Network (RISEGNET) nɛ Community Development and Advocacy Center (CODAC) nɛ sieba bɛdegʋ ye di nwɛ’ suoya ka dasam nɛ pʋ’asada paam suori tʋm ka kɛ ka pʋ’ab nyaŋi kpɛn’ pɔlitis pʋʋgin ka barigaŋ kae.

O pa’al ye gɔmena gaŋ pʋ’ab Region la ni kpɛn’ɛs ɔfis bɛda ni nwɛnɛ; Minister nam, Ambassador nam ka mɛ kɛ ka sieba paas Council of State ni.

Coordinator la, pian' gɔmena la nɛ on dʋ’ʋs pʋ’ab kanli o gɔmena ni ka mɛ gɔs teŋ maalʋg yɛla la. O bɛlim Upper East Regional Minister ye o sʋŋim ka ba gaŋ pu'ab ka ba lieb diisinam district assembly paala la ni nwadisa awai la ni (September); di kas kas anɛ Bawku ka pʋ’a da pʋ nya’ assembly vɔɔtʋg la.

RISEGNET

James yɛl ye gban’ar kanɛ ka RISEGNET mɔr la anɛ di sʋŋ ka nɔɔryinne nɛ pʋtɛn’ɛr yinne bɛ banɛ paasi di pʋʋgin la zaŋi keŋ dau nɛ pu’a sʋʋgin; di mɔr tuon ken azinzɛma na tis sɔ’ wʋsa; ye di kɛ ka pʋ’ab kpɛn’ pɔlitis pʋʋgin nɛ tuon gat tʋʋma ni nɛ di kɛ ka nidib tiaki yi bɛllim bɛ’ɛd nɛ tʋʋmbɛ’ɛd ni.

O ye RISEGNET nɛ AAG da pʋ paas caucus la, bad aa pian’ pʋtɛn’ɛr la tis assembly women caucus ye ba mɔ’ ka di tʋm ka pʋ’ab nyaŋi paasi Assembly ka zab temmaalʋg yɛla.