Wp/kum/Солакъ къакъа
Солакъ къакъа (орус. Сулакский каньон, авар. Сулахъ кIкIал) – дюньяда теренлиги гьисапгъа биринчи ер алагъан къакъа, тик ярланы арасында ерлешген.
Жугърафи ерлешивю ва суратлав
[edit | edit source]Къакъадан (каньондан) оьтеген Солакъ оьзен Салатав ва Гимра тавланы бир-биринден айыра. Шо тик ярланы арасындагъы Солакъ къакъаны теренлиги 1920 метрге чыгъа, демек эки чакъырымгъа етме аз къала. О дюньядагъы Колорадский белгили да каньондан терен, тек ону узунлугъуна етишип битмей. Солакъ оьзен бир нече шолай къакъалардан, бир-биринден оланы айырагъан тавну хасилеринден ва бувгъанларындан оьте. Шолай къакъаны лап уллусу ва узуну 18 чакъырымгъада узатыла, ону генглиги буса - 3,5 чакъырым. Шо уллу каньондан оьтеген оьзенни агъымы тюпге Чиркей ва Миатлы бойлагъа багъып агъыла. Мунда Дагъыстанда лап уллу деп саналагъан Чиркей сув сакъланагъан ер де ерлешген. 1970-чу йылларда Чиркей ГЭС къурулгъандан сонг, къакъагъа сув жыйылма башлагъан. Кавказ давну вакътилеринде Солакъ къакъаны ягъа бойларында аслу агьвалатлар да болмай къалмагъан. Шо ылларда мунда Юрий Михайлович Лермонтов, Лев Николаевич Толстой ва башгъа белгили орус литераторлар да болгъан. Къакъа Дагъыстанны ерлеринде 53 чакъырымлагъа да узатылгъан. Ону бары е бирни йимик тюгюл. Къарасанг, бир-бир ерлери тар, бир-бир ерлери кёп генг геле. Солакъ оьзен республикабызда кёп байлыгъы - балыгъы булангъы оьзен гьисап этиле. Бугунлерде бу къакъа тарихде аслу белгилер къоймаса да, о - айрыча тергевге лайыкълы, гёзел, таза гьавасы ва суву булангъы айбат ер. Солакъ кёп де туристлени тарта тергевюн.