Wp/kum/Сивак

Сивак — США-ны, Гюнбатыш Европаны ва арап уьлкелени кёп къадардагъы алимлери, тиш докторлары, гьар тюрлю медицина масъалаланы чечмек учун, халкъ медицина булан гьаваслана. Яшылчалар, чечеклер ва Аль-аракъ деген терек олар учун бек къыйматлы оьсюмлюклер болуп токътай. Гюнбатышны тиш докторлары ва фармокологлары (дарман этегенлер) лаборатория къайдаларда Аль-аракъ деген терекде тишлени аман сакълавда уллу роль ойнайгъан кёп къадардагъы затлар барын токъташдыргъан. "Фарба Базель" дейген Швейцария фармокология центр шо терекни таъсирин англамакъ учун сынавлар оьтгерген. О терекни сувукъ тийгенде болагъан бактериялагъа къаршы табиаты бар экен. Тиш этлеге сувукъ тийив, тилге сувукъ тийив, парадонтозну ва адамны авзуну ичинде болагъан оьзге тюрлю хыйлы аврувланы савлугъуна кёмек эте экен. Бу терекни олай да, тишлени хурт ашавуна да къаршы таъсири бар. Ахтарывланы натижаларына гёре, артдагъы он йылны ичинде бу фирма "Квэли" деген тиш жувагъан паста чыгъаргъан, шопастада эсгерилген терекни бары да хасиятлары бар. Сивак деген недир? Сивакъ – о Аль-аракъ деген терекден алынып этилген тиш жувагъан щётге. Бусурманлар сивакны тишлерин ва авзуну ичин тазаламакъ учун къоллай. Сивакны шо терекни бутакъларындан яда ону тамурларындан этелер. Аль-аракъ тереклер айрокъда Сауд Арабстанда кёп оьсе. Вашингтон университетни (США) терапевти, стоматология кафедрасыны профессору Аида Абдул-Азиз сивакъны авузну ичиндеги йылавукъ пердевлеринден ва тиш этлеринден къан геливюню алдын алагъанны, олай да авуртагъанын кемитегенни токъташдыргъан. Гьалиги медицина исбатлайгъан кюйде, сивакъ адамны авзуну ичине пайдалы таъсир эте. Олай да, стоматология тармакъда ахтарыв ишлер юрютеген дюнья илму идараланы бирисинде сама да ону зарал этме болагъан экинчи ягъын тапма болмагъанлар. Бусурманлар сивакъны тезден берли пайдаландыра. О заманларда Мугьаммад пайхаммар  айтгъан кюйде, сивакъ – авзун тазалайгъан зат, шону учун инсан, Аллагь буюрюп, ондан леззет ала. Белгили бусурман алим имам Абу Гьанипа айтгъан кюйде, адамны авзуну ичин тазаламакъ учун пайдаландырылагъан затланы барысындан да лап яхшысы сивакъдыр. Сивакъ лакъырны енгиллешдире, дилбарлыкъгъа болушлукъ эте, къакъырыкъны енгил чыгъара, гёзлени гёрегенин, олай да ашкъазанны ва базыкъ ичекни ишлевюн яхшылашдыра. Намазны алдында сивакны къоллагъан бусурман уллу шабагьат ала. Сивакъ оьлюмню алдында адамгъа шагьадат гелтирмекни эсине сала ва жаны чыгъагъанда енгиллик бере. Сивак оьмюр сюрювге ёл, чара тапма кёмек эте, деп айтгъан.

Байланывлар[edit | edit source]