Wp/kum/Пушкин-тав
Пушкин-тав, яда Избирбаш (орус. Пушкин-Тау) – тавтюп Къумукъда тавну аты Избергтав яда Пушкин-тав Дагъыстандагъы тавланы арасында лап тамашасы деп гьисаплана. О сийрек ёлугъагъан маъданлары, бийиклиги яда генглиги булан белгили тюгюл, шо тав уллу орус шаир А.С.Пушкинни бет келпети тавну тигинде гёрюнегенлик булан танывлу. Ери гелгенде айтсакъ, Пушкин- тав, йыракъдан гёрюнеген кюйде, янгыз бир тав тюгюл. О – бир нече тавланы тагъымы. Уллу орус шаирни бет келпетин тавну янгыз бир ягъындан, тигинден гёрмеге бажарыла. Шо тавгъа барагъанда да, бу якъланы таныйгъан адам булан барсаяхшы. Неге тюгюл, бу якъланы яхшы билмейгенлер, танымайгъанлар Пушкин-тавну тапмай, эс этмей де къоймагъа бола. Халкъ арада юрюлеген хабарлагъа гёре, уллу орус шаир Александр Сергеевич Пушкин Дантесни къолундан къурбан болгъан сонг, ер тербенип, тавдан бир таш айырылып тюшген ва тавну тиги тенги ёкъ шаирни келпетине ошашлы гелген.