Jump to content

Wp/kum/Карелин Александр Александрович

From Wikimedia Incubator
< Wp‎ | kum
Wp > kum > Карелин Александр Александрович
Александр Карелин

Александр Александрович Карелинорус спортчу. 1967-нчи йылны 19-нчу сентябринде Новосибирск шагьарда тувгъан. 13 йыллыкъ чагъында «Динамо» ишколада Виктор Кузнецовну ёлбашчылыгъы булан юнан-рум ябушув булан машгъул болуп башлай. Кузнецовону савлай испорт яшавунда биргине-бир тренери гьисапда белгили. А. Карелин Новосибирскде автоёл техникумда охугъан, Омск шагьарны физкультур институтун тамамлагъан, 1995-нчи йылдан тутуп, Русияны ясакъ полициясыны къуллукъчусу, полковник. Александр Карелин РФ-ни Федерал Жыйыныны Пачалыкъ Думасыны 1999-нчу, 2003-нчю, 2007-нчи, 2011-нчи йыллардагъы депутаты, Думаны савлукъ сакълав ва испорт комитетини, олай да жугърасиясат комиссиясыны ортакъчысы болгъан. 2001-нчи йылдан тутуп «Единая Россия» партияны Оьр Советини члени. 2007-нчи йылны декабр айындан башлап, Пачалыкъ Думаны халкъара ишлеге къарайгъан комитетини уьюрю.

Александр Карелин 1988-нчи йыл Сеулда, 1992-нчи йыл Барселонада, 1996-нчы йыл Атлантада болгъан Олимпиатланы чемпиону, 2000-нчи йыл Сиднейде болгъан Олимпиатда гюмюш нишан къазангъан, 9 керен дюньяны чемпиону, 12 керен Яврупаны чемпиону, 13 керен СССР-ни, СНГ-ни ва Русияны чемпиону болгъан, дёрт керен «Алтын белбав» булан савгъатлангъан. Ол педагогик илмуланы доктору, Новосибирск шагьарны абурлу адамы. Уьлкени абурун гётергени саялы, ол 1989-нчу йылда «Халкъланы дослугъу», 2001-нчи йылда «Гьюрметлев орден», 2008-нчи йылда «Ватанны алдындагъы къуллукълары учун» деген дёртюнчю даражалы орден, 2013-нчю йылда Рус Федерацияны Президентини Гьюрметлев грамоты булан савгъатлангъан.

Китаплар[edit | edit source]

  • Самин Д. К., Самые знаменитые спортсмены России. — Москва: «Вече» — 2001. — С. 475. — 512 с.
  • Малов В. И., 100 великих олимпийских чемпионов. — Москва: «Вече» — 2006. — С. 408. — 480 с.

Байланывлар[edit | edit source]