Wp/kum/Иса Исрапил Исаны уланы
Иса Исрапил Исаны уланы (1930-2018) - къумукъ язывчу, композитор, докътур.
1930-нчу йылда Къарабудагъгент районну Къакъашура юртунда тувгъан. Орта ишколаны битдирген сонг Дагъыстан медицин институтгъа тюше ва ону 1955-нчи йылда оьр къыйматлар булан битдире. Яш касбучу Къарабудагъгент район азарханагъа бакъдырыла. Исрапил онда 2008-нчи йыл болгъунча хирург гьисапда ишлей. 1957-1959-нчу ва 1965-1969-нчу йылларда Къарабудагъгент районну азарханасыны баш докътуру болуп загьмат тёге.
Ишлеген йылланы боюнда хыйлы халкъны сав этмеге, аякъгъа тургъузмагъа бажаргъан Исрапил, оьзюню касбусун юрюте туруп, яратывчулукъ тармакъда да оьзюн сынай ва гёрмекли натижалагъа да етише. Бара-бара ол къумукъ адабиятда ва маданиятда белгили шаир, композитор гьисапда, сонг да язывчу ва журналист гьисапда арагъа чыгъа. Исрапил – «Ачылгъан хазналар», «Балкюмес», «Тиштайпалагъа сырым» деген китапланы язывчусу. Исрапилни кёп санавдагъы йырлары ва макъамлары къумукъ халкъны йыр хазнасына гирген ва олар къумукъ радиодан да берилип тура.
Байланывлар
[edit | edit source]- Шимал Къафкъаз Федерал Бёлгени сайсасында биографиясы — https://web.archive.org/web/20190531104841/http://www.skfo.ru/people/item/533_Israpil_Isaev/