Wp/kum/Гьажигерей Жамал Гьажигерейни уланы

Гьажигерей Жамал Гьажигерейни уланы — белгили къумукъ спортчу, ушу спортну устасы, 2016 йылны Арасейни чинк де уллу спортчу.

Таржумасы[edit | edit source]

1972-нчи йылда Таргъуда тувгъан. Инг алда тутушуп ябушувну ва дзюдону, олай да каратени сырларына уьйренген. 1986-нчы йылдан берли ябушувну гюнтувуш журасы ушу булан машгъул болма башлагъан. Гьажигерей 1991-нчи йылда Анжикъаладагъы чеберлик охувожакъны тамамлагъан ва «чеберчи-тизивчю» касбугъа ес болгъан. Ол спортну халкъара даражалы устасы ушудан оьр категориялы тренери, Русияны 10 керен чемпиону деген атгъа лайыкълы болгъан. Шондан къайры да, ябушувну ушу журасындан Яврупа оьлчевюнде юрюлген чемпионатларында 12 керен алдынлыкъ алгъан. Дюньяны чемпионатларында да кёп керенлер биринчи ерлеге ес болгъан. Халкъны арасында Жамал янгыз спортчу тюгюл, кино оюнчю гьисапда да къаравчулагъа танывлу. Ачыкълашдырып айтгъанда, ол «Монах» (1999 й.), «Удар лотоса» (2000 й.), «Удар лотоса 2: Сладкая горечь полыни» (2001 й.), «Удар лотоса – 3: Загадка Сфинкса» (2003 й.), «Путь» (2009 й.), «Удар лотоса – 4: Алмаз» (2009 й.) деген чебер фильмлерде унутулмас келпетлер ясагъан. 2007-нчи йылны сентябр айындан тутуп, Жуковка кютюрде ону оьзю ачгъан оьзюню атындагъы ябушув саниятларыны охувханасы иш гёре. Буссагьатгъы вакътиде эсгерилген охувханада 4 тюрлю, демек, Тайц зи-цюань, Юн-чун, яшлар учун ушу ва йога тармакълар булан иштагьланагъанлар учун да дарслар онгарылгъан. Шондан къайры да, бу охувханада яшлар ва уллулар учун сурат этивден ва гьалиги бийивлерден дарслар да юрюле.

Байланывлар[edit | edit source]