Wp/kum/Атай Салавутдин Жалалны уланы

From Wikimedia Incubator
< Wp‎ | kumWp > kum > Атай Салавутдин Жалалны уланы

Атай Салавутдин Жалалны уланы (16 январ 1928-14 июн 2014) — къумукъ хирург, муаллим, алим, медисин тармакъда узакъ йыллар чалышгъан.

Таржума гьалы[edit | edit source]

Р.П. Аскерхан атындагъы Хирургланы Илму Жамиятыны Дагъыстан идарасыны мудири Салавутдин Атайны Дагъыстан Жумгьуриятда ва тышда да яхшы таный эди. Ол медисин тармакъда чалышывун 1954-нчю йылда Сергокъала районда башлагъан. Сонг Дагъыстанны Балыкъ Санаатны Идарасыны Азарханасында хирургия бёлюкню мудири болуп ишлеген. Аз заманны ичинде оьзюню касбу, къурумчулукъ бажарывлулугъу булан бу азархананы сав Дагъыстангъа белгили этген, Медисин Институтда хирургия кафедрасыны мудири болуп узакъ йыллар ишлеген. Илмуда да кёп иш этген, муаллим болуп да чалышгъан. 300-ден де кёп илму асарланы язывчусу. ДЖ-ны Савлукъ Сакълав Министерлигини баш хирургу болуп чалышгъан.

Гьаракатына гёре ол кёп тюрлю савгъатлар булан да савгъатлангъан. ДАССЖ-ны Оьр Советини Президиумуну гьюрметлев грамотасы, Пироговну атындагъы эсделик медал, ССЖБ-ны савукъ сакълавуну алдынгъысы, Дагъыстанны, Русияны ат къазангъан докътуру, ДЖ-ны илмусуну ат къазангъан чалышывчусу, ДПМА-ны (Дагъыстан Пачалыкъ Медисин Академиясыны) ат къазангъан профессору ва оьзгелери. Ол минглер булангъы адамлагъа кёмек этген касбучу эди.

Байланывлар[edit | edit source]