Wp/kum/«Булутлар кёкден тая» (фильм)
«Булутлар кёкден тая» (орусча «Тучи покидают небо») — Агьматхан Абу-Абакарны сценарийине гёре 1960-нчы йыл салынгъан чебер фильм.
Гьаллары[edit | edit source]
Шо фильмде агьвалат Къуппа деген тав юртда 1930-нчу ва 50-нчи йылларда юрюле. Бир вакътини ичинде эки хоншуда яшлар тувма герек. Шо уьягьлюлени бирисинде уьч къыздан сонг, эгер де къыз тувса, эри къатынын уьйден къувалайман деп къоркъувлар бере. Шондан сонг, гертиден де, тувгъан къызъяшын хоншу къатынны тувгъан уланы булан алышдыралар. Олар уллу бола, оьсе. Тек, заман гетип, бары да аянгъа чыгъа, ялгъан ачыкъ бола. Кинода сююв де аслу ерни тута.
Оюнчулар[edit | edit source]
Бу кино Дагъыстанны гьакъында ва бизин актёрлар ойнагъан биринчи чебер фильм деп де айтыла.Киногъа музыканы дагъыстанлы композитор Мурат Кажлай язгъан. Ону бу музыкасы кинолагъа язгъан биринчи сынав иши болгъан. Шондан сонг композитор кинолагъа музыка язывун узатгъан ва шолай кёп асарлары да бар. Бизин сююмлю къумукъ артистлерибиз Барият ва Саният Мурат, Мугьамматамин Акъмурза, Тажутдин Гьажи, Нажмутдин Макъсут, Гьайбат Къазимугьаммат ва башгъалары бек арив ойнагъанлар.