Wp/krl/Kuoreh

Kuoreh

Kuoreh (Osmerus eperlanus) on pienikokoni šisä- ta šekavesien kala, kumpani kuuluu lohikalojen näkösten kuorehkalojen lahkoh. Kuoreh on vihrie - keltani, kyleštä hopienhohtoni kala. Šillä on šuuri, näpiehampani šuu ta lohikalojen tapah rašvaevä hännäššä.

Kuoreh kašvau ylen hil'l'ah: kahen vuuvven ikäni kuoreh on vašta 8–9 senttimetrin pituni, ta šuurinki Šuomen merialovehelta šuatu kuoreh on ollun 31–32 senttimetrin pituni. Kuorehet eletäh kaikkiella ta niitä on ylen äijä. Ne kašvetah ta eletäh Baltiekan merellä, Pohjanmerellä, Onegašša, Luatokašša ta monissa pohjasen järvissä. Enimyökšeh kalanšuanti mänöy Europan länšiošašša.