Wp/krl/Itämeri

Itämeren kartta

Itämeri ili Baltiekan meri on Atlantin valtamereh kuuluja meri Pohjois-Europašša, Karjalan ta Šuomen länsipuolella.

Itämeren pohjoisin kohta on n'apapiirin lähellä, šuvisin Wismarissa Šakšan rannikolla. Läntisin ta itäsin kohta ollah Tanškan Flensburgin ta Piiterin lähellä. Šuurimmat lahet ollah Šuomenlahti, Pohjanlahti, Riijanlahti ta Kuršinlahti, kumpasista peräššätulija on šuolatoinvesini lahti, min Kuršin hiekkaniemimua erottau Itämereštä. Eryähät tutkijat paissah niise erikšeh Šuaristomereštä, kumpani on Itämeren oša. Šuurimmat šuaret ollah Gotland, Öland, Bornholm, Volin, Rügen, Ahvenanmua ta Šuarenmua. Mereh laškijat jovet ollah Neva, Narvajoki, Väinäjoki, Neman, Pregol'a, Visla, Oder ta Venta.

Itämeren pinta-ala ilmain šuariloita on 415 tuhatta nelijökilometrie, vejen miärä 21,5 tuhatta kuutijokilometrie. Itämeri on Venäjän, Viron, Latvian, Liettuan, Puolan, Šakšan, Tanškan, Ruočin ta Šuomen maijen rajalla.