Wp/krl/Antti Timonen
Antti Timonen (1. oraškuuta 1915 Luušalmi, Uhtuo, Venäjä – 24. kevätkuuta 1990) oli Neuvoštoliitošša elänyt šuomekši kirjuttanut vienankarjalaini kirjuttaja.
Vuosina 1922-1926 Timonen eli Šuomešša. Hiän opaštu Petroskoin pedagogisešša instituutissa. Šen lopetettuo hiän ruato enšin rativokomitietašša ta šiitä toimittajana Kipinä-lapšienleheššä ta Totuuš-leheššä. Timonen oli 1934 mukana peruštamašša Karjalan kirjuttajaliittuo. Vuotena 1946 häneštä tuli Neuvoštoliiton kirjuttajaliiton jäšen.
Jatkošovan (Isänmuallisen šovan) aikana Timonen palveli ratistina, kiäntäjänä ta tiijuštelijana. Hiän lopetti šovan Tšekkoslovakijašša oraškuušša 1945, ka vielä šovan jälkehki Timonen kiersi ympäri Eurooppua kotiuttamašša siviilijä, kumpasie šinne šaksalaiset pakolla työnnettih. Omien muistihpanojen ta kokemukšien pohjalta Timonen kirjutti näistä as's'oista kirjan "Karjalasta Karpaateille". Šanotahki, jotta šota luati Timosešta kirjuttajan.
Armeijan jälkeh Timonen rupesi piätoimisekši kirjuttajakši. Hiän oli Karjalan kirjuttajaliiton šihteerinä vuuvvešta 1947. Vuosina 1957-1967 ta 1975-1978 hiän oli liiton piämiehenä. Vuotena 1958 Timonen oli peruštamašša Neuvoštoliitto-Šuomi-šeurua ta nellä vuotta myöhemmin 1962 šeuran Karjalan ošaštuo. 1960-luvulla hiän kävi Šuomešša monissa kirjuttajaseminariloissa.
Timosen piätevoš on vuotena 1971 ilmeštynyt romaani "Me karjalaiset". Hänen tevokšie kiännettih venäjäkši ta monien entisen Neuvoštoliiton tašavaltojen kielillä. Tevokšie on kiännetty espanjakši, englannikši, ranskakši ta ruočikši.
Tevokšie
[edit | edit source]- Lentomasiina, kertomukšet
- Pataljoonan tulikaste. 1946
- Ylioppilastyttö. 1946
- Viimeinen rynnäkkö. 1946
- Karjalasta Karpaateille. 1948
- Kanervalammella. 1948
- Valaistut rannat. 1955
- Tuulilahden vastuulla. 1957
- Kotoisilla poluilla. 1960
- Pieni Valkosiipi. 1961
- Olen kotona. 1966
- Me Karjalaiset. 1971
- Metsän humistessa. 1974
- Autioituneen kylän asukkaita. 1977
- Mirja. 1980
- Yksi aurinko kaikilla. 1983
- Elämä on ollut minulle antoisa, muistelmateos.
- Sotaa, rauhaa, ystävyyttä, muistelmateos. 1985
- Me karjalaiset. 2007
Näytelmijä
[edit | edit source]- Otatko miut Karjalan mua?, pohjana Me karjalaiset-romaani.
- Myrskyn jälkeen
- Syntymäpäivä