Wp/kiu/Munzur Çem
Munzur Çem jü nuştoğê roznamunê Zazakiyo. Serra 1947ine de dewa Cêği Qurze de amo riyê dina. Mektebo verên Seteriye de, mektebo wertên ki qeza Dêrsımi Nazmiya de wend. Serra 1962ine de Erzurum de dest be wendisê Kolejê Sıhhatiyo (Sağlık Koleji) çar serre kerd u serra 1966ine de no mekteb Diyarbekır de qedêna. Serra 1971yine de Mektebê İqtısadi u Ticariyo Berzê Anqara wend.
Munzur Çem, serra 1970ine ra nat be Tırki u Zazaki meqale, roman u hikau nusneno; sanık u lawıkê ke wertê sari de yenê vatene, ine dano arê. Meqalê ey ekonomiye, politika u kulturi seroê. Tepia imla u gramerê Zazaki sero ki xêlê kar u gurê ho estê.
Munzur Çem hal u usıl ra gore mecbur mendo, serba ke ey meqalê u kıtabê ho be cia cia namu nustê. Taê namê ke hata nıka no kar pê kerdo niyê: H. Toprak, A. Taş, M. Çem, B. Şilan, S. Dilan, Mirzali Çimen, Aliqemer uêb..
Heto bin ra Munzur Çem xebatkarê de hequnê mordemio. Kırdıstanê Zımey de halê heqê mordemiye sero xêlê kar u gurê ho esto.
Cia cia taê meselu sero broşurê Munzur Çemi ki estê. Meqaley, lawıki, sanıkê arêkerdey u hikayê nuştoği, heta ewro xêlê pêserok u roznamu de vejiyê u hona ki vejinê. Grubo ke çand serrio imla u gramerê Zazaki sero gurino (xebetino) u Swêd de pêseroka Vatey vezeno, Munzur Çem ine ra jüyo. Nustoğ nae de temşilkarê na pêseroka yê Almanyao, roznamê heftey Roja Teze de, 15 roji de reyê be Zazaki meqalu nusneno.
Munzur Çem, ronaoğunê Kurd-PENi ra jüyo, çıke o ho Kırd vêneno. Labelê hetê biyaişi ra Zazao u Zazaki qesey keno.
Bibliyografiye
[edit | edit source]Broşur u maqalu ra qederi, taê kıtabê Munzur Çemiê ke vejiyê nêyê:
(Name (psoydonim), name be Zazaki, zon, çap u dem)
- Türkiye Kürdistanı: Ekonomik ve Sosyal Yapı, A. Taş, (Kurdistanê Tırkiya, Rewşa Ekonomik u Politik), Tırki, Özgürlük Yolu Yayınları, Çeleo Qız, 1985
- Gülümse Ey Dersim (Bıhuye Ey Dêrsım), Tırki, Özgürlük Yolu Yayınları, 1990, 1991, 1993 Köln.
- Dünü ve Bugünüyle Gerikalmışlık Sorunu, Mirzali Çimen, (Vızêri ra be Ewro Problemê Pêysermendışi), Tırki, Öz-Ge Yayınları, 1991 Ankara.
- Taê Kılamê Dêrsımi, Zazaki, 1993 Stockholm
- Ferhengê Zazaki-Tırki (Zazaca-Türkçe Sözlük), Stockholm.
- Alevilik Sorunu ve Dersim Ayaklanması Üzerine (Problemê Elewiyan u Xoverdayişê Dêrsımi Ser), Tırki, 1995 Stockholm.
- Ormanın Dili, Vengê Bırri (Şanıki), Tırki, 1996 Stockholm.
- İsyana Çağrı, Vengdayişê Xoverdayişi, Tırki, 1996 Stockholm.
- Ekmeği de Yaktılar, Nan ki Vêsna, Tırki, Pencinar Yayınları, 1997 Stockholm.
- Khulê 38'i (Reportaci), Zazaki, Weşanên Komkar, 1998 Köln, ISBN: 3-927213-15-2
- Luye be Bıza Kole ra - Şanıkê miyanê şari, Zazaki, Weşanên Komkar, 1998 Köln.
- The Voice of the Forest, Vengê Bırri, İngilızki, Komkar Publications, 2000 Köln
- Hotay Serra Usıvê Qurzkızi, Zazaki, 2002 (Çapê dıyine), Weşanên Deng, Stenbol, ISBN: 975-7011-27-4
- Zazaca Gramer, Gramerê Zazaki, Tırki/Zazaki, Weşanên Deng, 2003 İstanbul, ISBN: 975-7011-31-2
- Hawara Dêrsımi, Zazaki, Weşanên Deng, 2003 İstanbul, ISBN: 975-7011-33-9
- Hewnê Newrozi, Zazaki, Weşanxanê Vatey, 2005, ISBN: 975-6278-05-6
- Gula Çhemê Perre, Zazaki, Weşanxanê Vatey, ISBN: 978-975-6278-19-2
Girêy
[edit | edit source]Ebe Zazaki:
- Çêpelga Grûba Xebate ya Vateyî
- Reportac be Munzur Çemi, 2003
- Taê Sanıkê Munzur Çemi
- Taê Nustê Munzur Çemi
Ebe Tırki:
Çımey
[edit | edit source]- Hewara Dêrsımi (Kıtabê Munzur Çemi, Zazaki, Weşanên Deng, 2003 İstanbul, ISBN: 975-7011-33-9
- Dilpak.de
- Antolociye