Wp/kiu/Astamol

From Wikimedia Incubator
< Wp‎ | kiuWp > kiu > Astamol
Jump to navigation Jump to search
Astamol
Pırdê Astamoli

Astamol (Estamol, Estemol, Ostomol, İstambol; ebe Tırki: İstanbul, Yunanki Κωνσταντινούπολη Kônstantinúpoli) jü suka Tırkiyawa. Namê xo heni aseno ke Yunanki (fekê Dorki) eis tàn pólin εἰς τὰν πόλιν ("be suke", Trk. şehire, İng. to the city) ra yeno. Astamol mıntıqa ra zımê rozawanê Tırkiya dero. Astamol qıtunê Awrupa (Trakya) u Asya (Anadoliye) serowo.

Tarix[edit]

Astamol sukê da khana. Waxtê İmparatoriya Roma biyo xırabe u Astamol biyo paytextê İmparotoriya Bizansi. Waxtê İmparatoriya Bizansi de Astamol biyo mekezê Yunananê Xristiyanunê Ortodoksu. Mordemê Bizansıji xêlê kilisey vıraştê. Aya Sofya kilisewo tewr gırs bi. Serra 1453ine ra dıme İmparotoriya Usmanızu Astamol guret. Waxtê İmparatoriya Usmanızu de Astamol bi merkezê İslami. Ewro Astamol biyo merkezê iqtısad u kulturê Tırkiya.

İqlım û nıfus[edit]

İqlımê Astamoli jê iqlımê Deryayê Sıpêyo, hewayê ho honıko. Zımıstani hewa beno serd. Hardê Astamoli her daim khewewo. Nıfusê suka Astamoli nejdiyê 13 (des u hirê) milyonio, hama her roz jêdino. Nıfusê barkerdoğu zafo. Xêlê mordemê dewıji amê Astamol. Seba ke nıfus zafo, gımarê heway u problemê trafiki deyrayê.

İqtısad[edit]

Nıka Astamol merkezê iqtısad u kulturê Tırkiyawo. Astamol ra zaf fabrikê wesaitu (arebe) u elektronik u çheku, yê çimento u tekstili (kuraşi) estê. Universıtê Boğaziçi (Boğaziçi Üniversitesi) suka Astamoli dero.

Hirê taxımê futboli Astamol de estê: Galatasaray, Beşiktaş JK u Fenerbahçe.

Çımey[edit]