Wp/khw/مرثیہ

From Wikimedia Incubator
< Wp‎ | khwWp > khw > مرثیہ
Jump to navigation Jump to search

مرثیہ عربی لوظ”رثا“ری ساوز بیتی شیر وا ھمو معنی بیردووتے کیڑیک وا ھو جامیان بیان کوریک شیر یعنی بیردووتے کیڑیک وا ھتوعو خوبیان بیان کوریکوتے مرثیہ رونو بویان ۔کھوار شاعر رحمت عزیز چترالیو تحقیقو مطابقہ مرثیو صنف عربیاری فارسی وا فارسیاری اردوا وا اردواری کھوار زبانا ہائی ۔ لیکن اردو اوچے فارسیا مرثیو صنف زیادہ تر اہل بیت یا واقعہ کربلا و بچے مخصوص شیر۔ لیکن کھوار زبانا خور دی بو عظیم شخصیاتن بارا مرثیہ نیویشونو بیتی شینی۔ اُردو زبانا مرثیو ابتداء دکن اری ہوئی ۔ دکنا عادل شاہی اوچے قطب شاہی سلطنتانں کے بانی امامیہ مذہبو پیروکار اوشونی وا ھتیت تان امام باڑین مرثیہ خوانی کوراو اوشونی ۔ اردو زبانو سفو ساری آویلو مرثیہ نیویشاک شاعر دکنی شاعر ملا وجہی اوشوی۔ لکھنوا ھیہ صنفوت مزید ترقی ملاو ہوی وا میر انیس اوچے میر دبیرو غون جم شعراء مرثیوتے اعلٰی مقام عطا آرینی۔ مرثیو ذیادہ استعمال واقعہ کربلو بیان کوریکا بویان ۔مرثیو مندرجہ زیل حصے شینی-

  1. چہرہ
  2. سراپا
  3. رخصت
  4. آمد
  5. رجز
  6. جنگ
  7. شہادت
  8. دعا