Wp/khw/غذرو کھوار

غذرو کھوار کھوار زبانو ای شاخ، وا ہیہ لہجہ گلگت بلتستانو ہار ژاغہ استعمال بویان۔ کیچہ کہ کھوار زبانو مختلف لہجہ چھترارو مختلف ژاغین استعمال بونیان۔ مثلا توکھویچیوار، موڑکھویچیوار، ڑاسپرک وار، ہے قسمہ غذرو وار یا غیرذک وار گلگت بلتستانو صوبہ عموما وا ضلع غذرا خصوصا استعمال کورون بویان۔

غذرا کھوارو ابتداء

غذرا کھوارو ابتدا دی گمان 15صدی عیسویار گنی 17 صدی عیسیو موژی ہوئے۔ مگم ہیہ بابتہ تحقیق ہمونیہ پت جاری شیر۔ کھوارو سوم تعلق دوراک آدیبان خصوصا جاید حیات کاکاخیل، شمس الحق نوازش، وا ہے قسمہ خور شاعر و ادیب دی کھوار غذرو تاریخو سورا نیزیکو کھوشش کورونیان۔

غذرو کھوارو پرانو شاعران

غذرو لہجہ شاعری دی ہرونی تان پرانو کندوری کہ چھترارو لہجہ شاعری۔ کھوارو ابتدائی دورو شاعرانان ہمونیہ پت کیہ نیویشیرو شاعری ملاو نو بیتی شینی ۔ مگم لیگینیا یاد بیرو بشاونو وا کاڑوم کیاغ کہ ہمونیہ پت رویان کارا شینی، ہیتانتےلوڑی ہیہ لوو دین بویان کہ کھوارو پرانو شاعرانن موژی گل اعظم گل وا خوش بیگیمو آمان بو پرانو شاعران۔ وا ہیتان کاڑوم تھمامی گلگت بلتستانہ و چھترارا مشہور شینی۔

خور لوڑے

• خوش بیگم (آمانو خوش بیگیم)
• گل اعظم خان (یاسینو گل اعظم)