Wp/khw/گل اعظم خان

گل اعظم خان گل
آژیک	گل اعظم خان گل 24 دسمبر 10919(1919-12-24) ضلع غذر، گلگت بلتستان، پاکستان
بریک	‎Missing required parameter ‎‎1=month!‎ ، 1970 (عمر  سال) ضلع غذر، گلگت بلتستان، پاکستان
ادبی نام	گل اعظم خان گل
پیشہ	کھوار شاعر، گیت نگار
ملک	پاکستانی
اصناف	غزل، گیت

گل اعظم خان گل غذرو بطنہ کھوارو ای قدیم شاعر۔ ہورو شاعری غذرو کھوارو تاریخو اویلو نیویشیرو شاعیری تصور کورونو بویان۔ گل اعظم خان گلو کڑوم کندوری کہ غذرا اوچے یاسینو سم جستہ اشقامینا مشہور، ہرونی تان ہے بشاونو چھترارا دی مشہور شینی۔

مختصار تعارف

گل اعظم خان گلو تعلق گلگت بلتستانو ضلع غذرو تحصیل یاسینار اوشوئے۔ ای روایتو مطابقہ گل اعظم خان گلو تتو نام ہمونیہ پت سہی معلوم نو ہوئی۔ مگم ہیہ لو بلکل سہی کہ گل اعظم خان گلو نانو تعلق یاسینو خوش وختے قامار اوشوئے۔ تان کڑومان نیزی ہے رشتو سلسلہ ہس ورشگوم (یاسینوت) ہائے۔ علی مردانو ژاو نکی۔ ہیں ہیہ سہی لو کہ گل اعطم خانو تتو دور (نوغور واخانو پھوریلہ بیکن ہوروتے دی پھوریلیکیو ژاو یا پھورولک) راوتانی۔ گل موڑکھوو زانئیوپشال دور یہ ھال باو تائے۔ وا گلو اسپسار غنی لالو اژغال اوشوئے۔ ہے سلسلہ ہس ہیرا دی ھال باوتائی۔ یہ وشکی حسن الملک لالو ژور شیر ملکو اسپسار ہو اژغال بک سہی ساریران۔ کیہ روئے گلو جوانیا پوشاو استانی ہتیت راو استانی کہ گل اعظم خانو غون شیلی صورتو سم چھاغدار غیچی گیونو نوجوانن اسپہ بو کم پوشاو اسوسی۔ ہو زندگیہ ای وخت ہش دی ہائے کہ ملکو حکمرانن اوچے حاکمن قہرینیو پورنہ سنوغرو ملنگ زیارت خان زیرکو چے تغو برار میرانو علاقہ بدر کوری میرانو تورکھوو استارہ و ملنگ بندی بیتی ھییتہ موڑکھوو گازوا ھال ہوئے۔ ہے وجہین دیتی ہے تروئے جوانانن محفل ہمیش باوتائی۔ ہیتان نیزیرو ہے زمانو کڑومان دی مشترکہ فارسی اوچے عربی الفاظہ آموشتہ زیرکو کاڑوم دی گل اعظم خان گلو ہوتے بش کاردو ساریئنیان۔ لیکن ہے سم جستہ دی گل کیہ کڑومان یاسینہ بی کی رے اسور کھلوتے واضح نشان دونیان۔ تان بعض نیزیرو کڑومان پورنیکا ہس چھترارو پھڅیکا مجبور ہوئے۔ ہموغار دراو یاسینہ بی عمرو آخری حصو ہتیرا سخصے حقوتے توریتائے۔ یاسینو ای شیلی ژاغہ ہو زیارت ہنیسے دی کھوار خوش دراکانتے دلچسپیو دعوت دویان۔

گل اعظم خان گلو عشق

گل اعظم خان گلو عشق در آصلہ چھترارو ای عورت اوشوئے۔ ہس کیہ تان کیہ ذاتی دورا چھترارا گیتی ہے عورتوسم ہردی چاکے استائے۔ مگم علاقو حاکمن گلو سورا ظلمو انتہا کاردو بیرانی۔ ای دفعہ ہش دی بیروبیرائے کہ گلو التی چہو دی پڅیرو بیرانی۔

گلو شاعری

گل اعظم خان گلو شاعری بو ہردی چوکونو۔ ہورو شاعرییہ ہر قسمو صنف غیچی گونیان۔

عشقہ پولیرو شاعری

بتھان متے تھان ملکو روئے متے یاغی

صفتان کھیو کوروم تا فقیر بیران مہ ڈاقی

بیری نو نیسی دوری چوڑے جنتو پری

آخیر تو مہ گدائے ارو تہ فقیر راہی

ہش نو اریتم تان ڈاقیو ہنیسے پشمان

ہموش بیتی مہ سوروت گونیان زمانو غام

تتڑیو شہ جورونیان غونہ مہ خوشو پرچام

تان ملکہ ای عزیز رویوتے سوم ہوستی سلام