Wp/kge/Naraka
Naraka joda da pok di alam Akhirat say ngarabaiko rik ponuh siksaan dilom na, naraka sa joda da balosan untuk jolma say mak haga buiman, Habolis, rik jolma-jolma kafir.
Gambaran
Naraka tigambarko sabagay osay pok say ponuh lah Apuy, panas, kasaroan, rik siksaan. Naraka mak sa'uni na panas matak-patak, tapi wat munih waktu ngisonna say tisobut sabagay Zamharir, hawa ngison sija panday ngacaiko bawak panghunina.
| QS. Sad 38:57 |
|---|
| Sijada (azab naraka), ganada tiyan ngarasakona, (inuman tiyan) uway sai tipaliwat panas rik uway sai tipaliwat ngison. (Sad 38:57) |
Tingkatan Naraka
Naraka pok nyiksa ho risok tisobut Jahanam say uwat 7 rawang. Kapitu rawang sina joda da:
- Hawiyah
Joda da naraka say tikhususko untuk jolma-jolma say hampang timbangan amal na, sa'uni di dunia tiyan ja nggawiko kabaikan bucampur rik kaburukan. Jolma Islam say la'un na mak sasuai rik ajaran Islam, cara sungkan Sambahyang, nyopok rajoki makay cara say mak Halal, Riba, rik kaunyin macom-ragom na, Hawiyah pok na. - Jahim
Joda da naraka say tikhususko untuk jolma-jolma say Musyrik atawa nyakutuko Allah, nonti tiyan ja disiksa lah sasembahan tiyan. Dilom Islam Syirik joda da dusa balak, bakdu syirik hortina uwat lagi makhluk say hibat jak Allah. - Saqar
Joda da naraka say tikhususko untuk jolma-jolma say Munafik, say ndustako ajaran Allah rik Rasul na. - Lazhaa
Joda da naraka say tikhususko untuk jolma-jolma say goring ningkuk-tingkuk ko horto, pasiyut, kikit, rik risok ngahimatko jolma saro, mak haga busadokah, mak haga buzakat, rik pudak nyambinyut asak uwat jolma kilu sumbangan. - Huthamah
Joda da naraka say tikhususko untuk jolma-jolma say risok ningkuk-tingkuk ko horto say burupa Emas, Perak atawa Platina, say mak haga buzakat horto, ngahimatko jolma saro. Di naraka hasa horto-horto say ditingkukko tiyan bakal jadi siksaan. - Sa'ir
Joda da naraka say tikhususko untuk jolma-jolma say Kafir, rik jolma say risok nganik horto sanak Yatim. - Wail
Joda da naraka say tikhususko untuk jolma-jolma say risok ngurangi timbangan, curang dilom budagang, untuk ndapokko kauntungan say bulipat, nonti barang dagangan tiyanna tisuwah rik tikurukko dilom tanihik tiyan sabagay azab untuk dusa-dusa say kok tiperbuat.