Wp/kea/Djamaika

Djamaika é un país nsular situóde na Mar di Karibi, ki ta konprende tirseru más grandi ilia entri kes di Grandi Antidjas. Djamaika é kintu más grandi país nsular di Karibi. Tainus, un pobu indíjena pri-kulonbianu di es ilia, ta txumaba es país di Xaimaka, ki na si linga matérnu, aruaki, ta signifika "téra di madera i di agu" o "téra di manansial".

Dispos ki el bira un poseson di Spanha konxedu suma Santiagu, na 1655 es ilia pasa pa dumíniu britániku, kónde é numiadu Djamaika. Es país konkista si kunplétu ndipendénsa di Renu Unidu na 6 di agostu di 1962. Ku 2,8 milion di abitantis, Djamaika é tirseru país di anglufunia más pupulozu di Mérka, dipos di Status Unidu i di Kanadá. Kingston é kapital i maiór sidadi jamaikanu, ku un pupulason na radói di un milion di pisoas. Djamaika tene grandi diáspura na tudu mundu, konsakuénsa di imigrason di país.