Wp/kea/Stadus Unidu di Mérka

Bandera di Stadus Unidu di Mérka

Lukalizason di Stadus Unidu di Mérka

Stadus Unidu di Mérka (SUM), txeu bes rafiridu apénas kumó Stadus Unidu o Mérka é país lukalizóde na Mérka. El é un rapúblika konstitusional fideral kunpostu pa 50 stadus i un distritu fideral — Distritu di Kulúnbia, kapital di país. Si parti más grandi sta situóde na rijon sentral di Mérka di Nórti (48 stadus ma distritu fideral), na kol el ta fasi frontera ku Kanadá, na parti nórti, i ku Méxiku na sul. Otus dos stadu sta apartadu di es rijon sentral: Alaska ta fika na noruésti di kontinenti i el ta fasi frontera ku Rúsia i ku Kanadá; Avaí é un arkipélagu na mei di Osian Pasifike sentral. Stadus Unidu di Mérka tánbi tene txeu otus tiritóri na Karibi i na Osian Pasífike.

Ku 9,37 milion di kilómetrus kodradu di ária i un pupulason di más di 330 milion di abitanti, el é kuartu país más grandi na ária tutal, kintu más grandi na ária kuntígu i tirseru na tamóin di pupulason. Stadus Unidu di Mérka é un di kes nason más multikultural i etinikamenti divérsu di mundu. Es li ta splikóde pabia na el ta izisti senténas di pobus indíjena, pamodi el foi un di kes episéntru di skrabizason di pisoas sakuestradu na kontinenti afrikanu, i el tánbi rasebe txeu óndas di imigrason ki binha di munti nason diferenti.