Wp/kck/Njwanzibeli

Njwazibeli inodangwa ndezina lisipo munlayo linoti Jozi, kene Joburg, kene "doropo legolide", idoropo likulu kupinda amwe whose ku South Africa, lakangina mugubungano yema doropo makulu kwazo kwazo kakale ndelimwe emadoropo ali 50 makulu kwazo muhango dzose. Idoropo gulu mudunhu leGauteng, dunhu yakapfuma kupinda whose kuSouth Africa. Njwanzibeli itulo yeKhutha yeNlayo Whulu, khutha ipehhugwi kupinda dzose kuSouth Africa. MaKhampani manjinji kakale makulu ndemabhenki ekuSouth Africa anama ofisi abo makulu kuNjwanzibeli. Doropo ileli lowangwa kuntha yekumatombo nde Witwatersrand ahhele ndemaminerali kakale pakati kwentunhu kunoshiwha golide ndedayimana ndezila ipehhugwi. Njwanzibeli yakabe ili amwe emadoropo kwakazanigwa bhora yehango dzose, 2010 FIFA World Cup.

Doropo ileli ndelokutanga muhango dzose lakakwagwa mugubungano ye Globalization and World Cities Research Network. Nde 2019, bunji gwebanhu bose mudoropo yeNjwanzibeli bakabeli 5,635,127, kubva kuti idoropo lakaminyana kwazo kupinda whose kuSouth Africa. Mugole linofanana, bunji gwebanhu bose mumadoropo apasi kweNjwanzibeli babeli 8,000,000. bukulu gwentha yamasipala gu(1,645 km2 kene 635 sq mi) iwhulu kwazo kupinda amwe madoropo makulu, kobva ke kuti bunji gwebanhu gungabe 2,364 per square kilometre (6,120/sq mi).

Doropo ileli lakabumbiwa nde1886 kupedza wangwa golide muntha iyeyi yaka ili pulazi. Ndentha yokuti kwakakunha golide linjinji kwazo lihhele muntunhu weWitwatersrand, kumakole elimakumi bunji gwebanhu bose gwakatanha kwazo kukabe ndebagali banoswika 100,000.

Doropo lakapalalaniwa milikila ndema 1970 kukadze kukabe nde 1994, Soweto yatjibe pasi kweNjwanzibeli. Soweto yakatanga ibva, "South-Western Townships", Soweto yakabumbiwa kwakalingiwa hanganisa mitunhu yakasiyana yaka igala banhu kuhhe kwedoropo leNjwanzibeli, kwakakugala kwazo kwazo banhu batema bakabehinga mudzimayini dzegolide. Soweto, koga ngwenu yakatjisiwa pasi kwe Njwanzibeli, yakatanga yakazwimila yoga, kulintha yogala banhu batema boga bakabesingavumigwe kuti bagale mkati kweNjwanzibeli. Lenasia iyo yaka igala banhu banolebeleka tjiNgisi koga belimandiya. Ntha idzedzi dzakadzisingavumigwe makhuwa pasi kwenlayo waka ulipo wopalalanya banhu ndekweganda lombili ndehulumente weSouth Africa ndelubaka gwe Apartheid.