Wp/kck/Nairobi

From Wikimedia Incubator
< Wp‎ | kckWp > kck > Nairobi

Nairobi idoropo gulu kakale linopinda whose matoropo aku Kenya. Zina lobva mululimi gwe tjiMaasai, mutshara inoti ,’ Enkare Nairobi’, kubva kuti “ Vula inotonholela”, kwakatolegwa mugwizi gwe Nairobi gunowhunga gupalama pakati kwedoropo. Bunji gwebanhu bose kudoropo leNairobi babeswika 4,397,073 nde2019 mubagwa kwebanhu kwakatiwa, koga bunji gwebanhu mkati kwedoropo banoswika 9,354,580. Doropo ileli lozibhgwa ndelimwe zina linoti Green City in the Sun.

Doropo leNairobi lakabumbiwa nde 1899 ndebatungamili bemakhuwa eBritish East Africa, setitji tjezwitimela muporo tjeUganda Railway. Doropo lakakula ndelubilo likapinda doropo le Mombasa, likabe doropo gulu kuKenya nde1907. Kwakati kutjipinda lubaka gozwitungamila nde1963, Nairobi yakahalugwa kuti ibe doropo gulu kuRepublic yeKenya. Ndelubaka Kenya ilipasi kwebutungamili gwemakhuwa, doropo lakaba senta yebhizinisi yemakhuwa kulimiwa kakale kutiwa kofi, tiye ndesisali. Doropo ileli lowangwa mugwizi gwe Athi muburwa yehango kakale imuntha ipehhugwi ingaba 1,795 metres (5,889 ft) bva mugungwa

Muzwibalo zwebanhu bose zwakatiwa nde2019 kwakawangwa kuti ntha dzose dzipasi kwe Nairobi,kunabanhu beli 4,397,073 banogala muntha ingabe 696 km2 (269 sq mi).

KuNairobi kowhangwa mabhizinisi manjinji kwazo anotiwa kuKenya, ndemakhampani makulu anopinda makulu ehango dzose ndemagubungano, kuhanganisila gubungano ye United Nations Environment Programme (UN Environment) kakale nde United Nations Office ye Nairobi (UNON), Nairobi idoropo lakapfuma mudzibhizinisi ndekumilentje. Gubungano yeNairobi Securities Exchange (NSE) ndeyimwe iwhulu ku Africa kakale dyetjibili ndobuwhola mukhampani dzinoyeta ndekwedzimari muhango dzose kuAfrica. Ikhampani ipehhugwi kwazo inohinga kwazo kwakalingiwa bunji gwebanhu, inoyeta matredi angaswika 10 miliyoni ndehhuba.