Wp/kck/Luanda
![](http://upload.wikimedia.org/wikipedia/commons/thumb/3/3a/National_Assembly_Building_%2819898889148%29_%28cropped%29.jpg/220px-National_Assembly_Building_%2819898889148%29_%28cropped%29.jpg)
Luanda idoropo gulu kakale linopinda amwe matoropo whose ku Angola. Idoropo linozibhgwa sentha ye inoma zwikepe, kakale isenta yendastri, milentje ndedoropo. Luanda yakabakiwa kubunanzwa gwe nsetshe weAtlantic kuAngola. Doropo ileli ndilo linama ofisi whose ahulumente, ma ofisi emihingo inotiwa mugungwa kakale idoropo gulu ledunhu yose yeLuanda. Mudoropo le Luanda kolebelekewa kwazo kwazo tjiPhuthukezi ndebanhu banjinji kupinda matoropo whose ehango, kwakakunha banhu banopinda 8.3 miliyoni nde 2020 banogala kunhaleli doropo (a third yebunji gwebanhu bose baku Angola).
Luanda ndelimwe lemadoropo mawhola kwazo kuAfrica, lakatanga bakiwa munaMikono 1576 lakalidangwa São Paulo da Assunção de Loanda nda Paulo Dias de Novais waka eli Phuthukezi. Doropo lakalihingisiwa se senta yokubunganya balanda, bekotutiwa besiwa kuhango dzinonga Brazil kwabanoondo tengesewa. Ntanga kwengwa yaka idangwa Angolan Civil War nde 1975, makhuwa manjinji emaPhuthukezi akatihha engabhuda kuhango bekandombgwata, bamwe bekabhgwilila kuPortugal. Bunji gwebanhu bose kuLuanda gwakakula ndentha yebanhu bakabetihha ngwa kuyimwe mitunhu behha kuLuanda, kwakayeta banhu bekaminyana kwazo kukabo ndebulemo kuti banhu bagale zwubanana. Kwakayeta kakale kuti bugalo gwebanhu gusinake kakale banhu basibe ndelunyalalo kuLuanda. Doropo ngwenu linhomusidzigwa ndobakiwa kuntshwa, kunamazwibako zwinjinji zwinotiwa kuti Luanda ipfumile.
Mandastri ayapo kudoropo ileli anohanganisila anothama ndekwe ndezwilimo ndopfuwha, bhikiwa kwezwinongwiwa, malembu ndezwimbalo, samende, banganyiwa kwedzimota, bumbiwa kwemamethiriyeli, maplastiki, fodlo ndehangu. Doropo kakale lozibhgwa sesenta ye oyili kakale ndentha yoyingudza oyili iyapo. Luanda inozimbgwa sedoropo linodura kwazo kupinda amwe whose kuhango dzose kubanhu banohha belibayenzi. Banhu banjinji banogala kuLuanda ndebeludzi gwe Ambundu, koga andoyenda kwelubaka kwatjibe ndedzimwe njudzi dzatjihhala kuLuanda dzinga Bakongo ndeba Ovimbundu. Kunabanhu banjinji kakale banobva ku hango dze Europe, dzinohanganisila. Luanda ndiyo yakaba doropo linozaligwa bhora le2010 African Cup of Nations.