Wp/kck/Harare

From Wikimedia Incubator
< Wp‎ | kckWp > kck > Harare
Harare montage

Harare yakatanga idangwa iyi Salisbury kukadze kukabe 1982, idoropo gulu kakale lakaminyana kwazo ku Zimbabwe. Bukulu gwedoropo gungabe 960.6 km2 (371 mi2) ndebunji gwebanhu bose gokumbuligwa kuti gungabe mu1,606,000 nde 2009, kukoti banhu bali 2,800,000 banogala mukati kwedoropo nde 2006. Harare inowangwa mu north-eastern ye Zimbabwe mudunhu le Mashonaland, ndekwayo idunhu ledoropo linohanganisila makhansili eChitungwiza nde Epworth. Doropo ileli lakabumbiwa pekwe hango ipehhugwi ingabe 1,483 metres (4,865 feet) bva mugungwa kakale pisa ndopota kwentha iyeyi kondidzana nde ntunhu we subtropical.

Harare yakatanga bumbiwa nde 1890, ibumbiwa ndegubungano le Pioneer Column, kwakakuli masole apasi kwe British South Africa Company, bekalidanha Fort Salisbury betolela muzina lentungamili we UK, Lord Salisbury. Banohinga muma ofisi eKhampani baka maka kuti doropo lotanga poni lindopelela poni kukadze kukabe lubaka gwe Southern Rhodesia hhapo kwakabe ndahulumente nde 1923. Salisbury yakamilika ipapo ikabe tulo tjahulumente weSouthern Rhodesian (yakabe Rhodesian). Kwakati pakati kwe1953–63,ikabe doropo ligulu mu Central African Federation. Lakabe ndezina linoti Salisbury kukadze kukabe1982, hhapo lakantjintjiwa likabe Harare kwatjipinda makole mabili hango yeZimbabwe yatjiwhana sunungugwa muhango yeUnited Kingdom.