Wp/kck/Eswatini

From Wikimedia Incubator
< Wp‎ | kck
Wp > kck > Eswatini

Eswatini (/ˌɛswɑːˈtiːni), inodan’ wa iyi BuMambo gweEswatini (Swazi: Umbuso waseSwatini), inozimbgwa kwazo ndezina leTjikhuwa linoti Swaziland (/ˈswɑːzilænd/ SWAH-zee-land; izina lakantjintjiwa nde 2018, ihango inowan’ wa ku Southern Africa. Yakakombewa ndeMozambique iku northeast nde South Africa iku bunanzwa, kubhehhuba ndekuburwa. Bupabi gwayo agutopinda 200 kilometres (120 mi) umilika kubunanzwa uyenda kuburwa kakale agutopinda 130 kilometres (81 mi)umilika kubhehhuba uyenda kuhwahhuba, Eswatini ndeyimwe yedzihango dzitukununu kwazo kuAfrica; kusinani ndayikoku, tjimo tjevula ndebumilo gwemavu ndemiti yakasiyana kumilikila tonola ndematombo apehhugwi ndopisa kakale kwakawoma kuntha dzipasi.

Bunji gwebanhu bose kuhhele ludzi gwebaSwazis. Lulimi gwebanhu banjinji tjiSwati. Banhu be Swazi bakatanga buMambo gwabo pakati kwe 18th senyuri betungamigwa nda Mambo Ngwane III. Zina lehango ndeleludzi kwakatolegwa kubva muzina laMambo Mswati II, wayetungamila hango nde 19th senyuri, ndelubaka etungamila hango yeSwazi yakakula kakale ikabhatana; mabhakasi ayapo ngwenu akatiwa nde 1881 makhuwa egwila tola Africa ndemasimba. Kwakati kwatjipela n’wa ye Mabhunu yetjibili ( Second Boer War), buMambo, pasi kwezina linoti Swaziland, hango yakatungamigwa ndema Bhirithishi kumilikila nde 1903 kukadze kukabe lubaka iwana lusunhunguko nsi wa 6 Ndlana 1968. Nde Tjabewhomba 2018, zina lehango lipanlayo lakantjintjiwa libva muBuMambo kwe Swaziland (Kingdom of Swaziland) liba BuMambo gwe Eswatini (Kingdom of Eswatini), kutanga zina linohingisiwa kwazo kuSwazi.

Hulumente unohinga pasi kwebuMambo, kutungamila Mambo Mswati III milikila nde1986. Halulo inotiwa kukapinda makole elimahanu kuhalugwa bamilili bePalamente ndebamilili beSeneti. Nlayo Nkulu uyapo ngwenu wakatanga hinga nde 2005. Umhlanga, nzano wemizi unotiwa ndeNdla kene ndeNdlana kakale Inxwala, nzano wamambo unotiwa ndeZwita kene ndeMikono. Ndiyo mizano yakamilidzika kwazo kuhango.