Wp/kck/BaPedi
.jpg)
BaPedi, (banodangwa kakale beyi Basotho bebuNanzwa (Northern Sotho) ndeBa Marota kene Bamaroteng) ludzi gwe Southern Africa gunolebeleka tjiPedi kene tjiSepedi, lulimi gweBasotho bebuNanzwa bapasi kwegubungano lenjudzi dzendimi linoyi Sotho-Tswana. BaPedi bunji babo banowanika kudunhu leLimpopo, kubhuda hhuba ebuNanzwa (North - Eastern) ehango yeAfrica Burwa, bamwe kakale bagele kubunanzwa gwedunhu leMpumalanga.
BaPedi bakabva kuBaSotho, belibakololo BaKgatla, beluludzi gunolebeleka tjiTswana, bakandogala kuntunhu we'Bopedi', unodangwa uyi Limpopo mulubaka gwangwenu ndema1700. Nzi weBaPedi wahe waka uzimbgwa uyi Sekhukhuneland, kakale unowangwa pakati kwegwizi gwe Olifants nde Steelpoort , unozimbgwa kakale uyi Lepelle nde Tubatse. BaPedi bakabelibanhu bekutanga mugubungano ye BaSotho-Tswana, dangwa beyi Basotho, zina ileli lakabva kululimi gwetjiSwazi, mubala linoti uku shunta kubva zila yabanombala nhayo kene zwimbalo zwabo. BaPedi bakaliwamutjila zina ileli kwazo kukoti amwe magubungano anondidzana ndabo ekatanga zwidana eti BaSotho.