Wp/jax/Taman Nasional Way Kambas

Taman Nasional Way Kambas adolah taman nasional yang ado di provinsi Lampung tepatnyo di Labuhan Ratu, Lampung Timur, Indonesia. [1] Taman nasional ko teletak di antaro 40°37’ – 50°16’ Lintang Selatan dan antara 105°33’ – 105°54’ Bujur Timur. [2] Way Kambas merupokan salah sikok tempat pelatihan gajah yang ado di Sumatera dan sekarang kawasan iko menjadi pusat konservasi gajah dengan luasnyo kurang lebih 1.300km persegi.[1]

Sejarah

Way Kambas merupokan taman nasional yang paling tuo di Indonesia dan diresmikan petamo kali samo Belando pado 1937. [3] Sebelumnyo pado 1936, sudah ado keinginan oleh Resident Lampung, Mr. Rookmaker untuk mendirikan taman nasional ko, namun satu tahun setelahnyo tanggal 26 Januari 1937, Way Kambas baru diresmikan.[1] Di tahun 1978, suaka margasatwa Way Kambas ko diubah menjadi Kawasan Pelestarian Alam (KPA) namun pado 13 Maret 1991, diubah menjadi Taman Nasional Way Kambas.[2]

Fauna

Berdasarkan sejarahnyo, Way kambas merupokan tempat pelestarian alam karena di dalamnyo terdapat flora dan fauna yang harus dilindungi. Pado saat pembentukan, di dalam taman nasional ko terdapat tapir (Tapirus indicus), gajah sumatera (Elephas maximus sumatranus), enam primata, rusa sambar (Cervus unicolor), kijang (Muntiacus muntjak), harimau Sumatera (Panthera tigris), dan jugo beruang madu (Helarctos malayanus). Pado saat pembentukan ko, di taman nasional belum ditemukan badak sumatera.[2]

Tapi hinggo saat iko keberadaan satwa yang masih tejago adolah The Big Five Mammals, tapir, gajah sumatera, harimau sumatera, badak sumatera, dan jugo beruang madu. Selain dari limo mamalia tesebut, ado juo buayo sepit di area khusus dan bangau tontong yang biso ditemukan pengunjung kalau berkunjung ke Way Kambas.

Hal menarik dari Way Kambas

Banyak hal menarik yang ada dari taman nasional iko. Salah sikoknyo adolah rumah sakit khusus gajah. Di rumah sakit gajah ko, semuo gajak akan mendapatkan pertolongan pertamo ketiko terjadi hal yang idak diinginkan. Idak itu bae, di rumah sakit jugo merupokan tempat karantina untuk gajah-gajah jantan yang lagi di maso birahinyo kareno gajah tesebot bersifat agresif. Salah sikok ciri dari maso birahi gajah adolah saat keluar cairan emas dari sisi sebelah telingo gajah. Kalau pawang telat untuk tau akan hal iko, mako pawang yang bakalan jadi korban gajah, mulai dari jatuh dari gajah itu dewek atau ditendang. [1]

Hal menarik selanjutnyo adolah ado sekolah khusus gajah benamo Elephant Response Unit dan mempunyoi sikok pawang untuk menemaninyo belajar. [3] Makonyo gajah-gajah yang ado di taman nasional ko biso melakukan banyak hal mulai dari bemain sepak bola dan jugo diajak untuk atraksi. [1]