Wp/jax/Taman Nasional Bukit Tiga Puluh

Add links
From Wikimedia Incubator
< Wp‎ | jax
Wp > jax > Taman Nasional Bukit Tiga Puluh

Taman Nasional Bukti Tiga Puluh (jugo disebot Bukit TigaPuluh atau Bukit Tigo Poloh) adolah taman nasional yang teletak di Pulau Sumatra, Indonesia. Lebih tepatnyo lagi, taman nasional ko teletak di Provinsi Riau yaitu Kabupaten Indragiri Hulu dan jugo Kabupaten Indragiri Hilir serto Provinsi Jambi yaitu Kabupaten Tebo dan Kabupaten Tanjung Jabung Barat.[1]

Sejarah[edit | edit source]

Taman nasional ko mempunyoi luas sekitar 127.698 hektar dan jugo ditetapin tanggal 5 Oktober 1995 samo Menteri Kehutanan melalui KepMenHut No. 539/Kpts-II/1995.[1]

Ekosistem[edit | edit source]

Ditengok dari topografinyo, ekosistem hutan yang ado di Taman Nasional Bukit Tigapuluh dikategorikan sebagai hutan hujan tropika dataran rendah karno iklim yang ado di sano selalu basah tapi tanahnyo kereng dan jugo ketinggiannyo di bawah 1000mdpl. Kalau ditengok dari zona vegetasinyo, masok ke dalam zona vegetasi Indonesia bagian barat dengan banyak pohon kelompok Diterocarpaceae.[1]

Flora dan Fauna[edit | edit source]

Ado beberapo flora dan fauna yang terancam punah di taman nasional ko, kayak:

  • Cendawan Muka Rimau (Rafflesia Haseltii). Iko merupokan jenis tumbuhan Holoparasit yang sangat langka. Tumbuhan ko idak punyo batang, daon, dan jugo akar, dan hidupnyo sepenuhnyo begantong samo tumbuhan inang dan menyerap nutrisi dari tumbuhan yang diinangin. Tumbuhan yang biasonyo jadi inang adolah liana silima Tahun (Tetrasigma Lanceolarium). Butuh sekitar 2800 hari untuk biso ukuran diameternyo 0,5 cm dan bakalan biso mekar sampe 18 cm. Lalu bungo bakalan mekar dengan sempurna dengan diameter 30-40 cm dan waktu 24 jam bae dan betahan sekitar 5 sampe 7 hari dan bakal layu lagi.[2]
  • Harimau Sumatra. Fauna yang terancam punah setelah Harimau Jawa dan jugo Bali. Saat iko, hewan ko idupnyo soliter dan dikategorikan langka samo IUCN. Hinggo artikelnyo ini dibuat harimau sumatra yang ado di Taman Nasional Bukit Tiga Puluh sejumlah 48 ekor.[2]

Daftar Pustaka[edit | edit source]

  1. ↑ 1.0 1.1 1.2 TFCA Sumatra. Taman Nasional Bukit Tiga Puluh. Diakses pada 22 Agustus 2021.
  2. ↑ 2.0 2.1 Direktorat Jenderal Konservasi Sumber Daya Alam dan Ekosistem. TN Bukit Tigapuluh. Diakses pada 22 Agustus 2021.
Retrieved from "https://incubator.wikimedia.org/w/index.php?title=Wp/jax/Taman_Nasional_Bukit_Tiga_Puluh&oldid=5201271"