Wp/jax/Sungai Batanghari

Sungai Batanghari adolah sebuah markah yang ado di Jambi. Sungai iko merupokan sungai paling panjang yang ado di Pulau Sumatra.

Sungai Batanghari mempunyoi panjang sekitar 800 km dan ado di antaro duo wilayah, yaitu Jambi samo Sumatra Barat. Bagian hulunyo berado di Gunung Rasan, Sumatra Barat, sedangkan bagian hilirnyo ado di Pantai Timur Sumatra ke Laut Cino Selatan. Tapi walaupun berado di duo daerah, sungai iko berado di Jambi lebih dari 70 persen.

Sejarah

Ado banyak jejak peradaban di sepanjang Sungai Batanghari yang udah ditemukan. Jejak itu seperti Koto Kandis, Muara Jambi, Padang Roco, Pulau Sawah, samo Solok Sipin. Beberapo daerah itu jugo dulu digunokan para penguaso Melayu sebagai pusat pemerintahan.Kehidupan yang ado di sungai iko diperkirakan sudah tuo, bahkan ditemukan pulak keramik-keramik. Keramik itu dipercayo ado karno pengaruh Tiongkok di maso Dinasti Han, abad ke-3.

Aliran Sungai

Mato aek dari Sungai Batanghari iko berado di Gunung Rasan, Sumatra Barat. Lalu, aek tersebut mengalir ke arah selatan di sekitar daerah Sungai Pagu, lalu belok ke arah timur.

Karno sungai ko dari Sumatra Barat, mako sebelum sampe ke Jambi pasti melewati daerah Sumatra Barat. Daerah yang dilewati sungai iko adolah Solok Selatan samo Kabupaten Dharmasraya. Lalu aeknyo baru masuk ke daerah Jambi, mulai dari Kabupaten Bungo, Tebo, Batanghari, Kota Jambi, Muaro Jambi, sampe ke Selat Malaka yang ado di Muara Sabak.