Wp/jax/Depati Parbo

Depati Parbo atau Mohammad Kasib (Lahir di Kerinci, Jambi, 1839 - meninggal di Kerinci, Jambi 1929) adolah seorang pejuang dari Kerinci. Kasib mendapatkan gelar Depati Parbo dalam upacaro tradisional kanduhai sko (kenduri pusako) yang mano arti dari gelar tesebot adolah dirinyo harus memikirkan kek mano masyarakat di Kerinci, bahkan sampe ke Kesultanan Jambi, jadi idak mikirin diri dewek atau keluargo diok be.

Latar Belakang

Mohammad Kasib adolah seorang yang anak lahir dari pasangan Bimbe dan jugok Kembang. Kasib lahir di Desa Lolo, Kecamatan Gunung Raya, Kabupaten Kerinci. Kasib merupokan anak laki-laki dari tigo saudara ceweknyo yang benamo Bende, Siti Makam, dan jugo Likom. Hal aneh yang tedapat dari Kasib adolah ketiko lahir diok mempunyoi banyak taik lalat di perut. Idak itu bae, ketiko masih bayi dirinyo udah punyo gigi geraham yang bewarno itam, padahal anak bayi pado umumnyo seharusnyo belum punyo gigi. Kareno banyak keanehan yang ado di diri Kasib, mako waktu kecik dirinyo jugo sering dipanggil Germon Besol. Dari kecik Kasib menjalani kehidupan yang samo dengan anak-anak seusianyo. Dirinyo mengikuti seni bela diri dan juga ilmu agama yang jugo mempelajari ilmu kebatinan.

Pado maso mudonyo, Kasib merupokan anak yang suko belajar dan menuntut ilmu, baik itu ilmu agama, adat, dan banyak macamnyo. Bahkan diketahui kalau ketiko dio mendengar ado seorang guru di daerah lain pasti bakal didatangin, dan diketahui dio pernah berguru sampai ke Bangko.Selain suko belajar, Kasib jugo merupokan seorang pemudo yang rajin ibadah dan bijaksana. Karno hal ikolah mako dirinyo dimajuin selangkah ditinggikan seranting. Artinyo adolah Kasib dinobatkan sebagai pemangku adat dengan gelar Depati Parbo. Gelar Depati merupokan gelar di adat Kerinci yang paling tinggi dan tugasnyo melingdungi negeri.

Perjuangan

Di awal tahun 1903, Belando berhasil tibo di Kerinci setelah ngerebut beberapo negeri di Sumatera, tapi tibonyo Belando langsung disambut dengan sergapan hulubalang. Sergapan iko di bawah pimpinan Depati Parbo di daerah Renah Manjuto, Kerinci bagian Selatan. Dari hasil penyergapan iko, ado sekitar 300 opsir Belando yang mati dan akhirnyo pasukan Belando lainnyo pergi menyelamatkan diri ke Muko-Muko dan Bengkulu.

Karno penyerangan iko, Belando pun naek pitam. Beberapo waktu setelahnyo Belando nyusun strategi untuk nyerang Kerinci dengan tigo penjuru, yaitu dari Indrapura, Muko-Muko dan jugo Jambi. Sebelum mencapai daerah Depati Parbo, Belando melakukan penyerangan dulu di tigo tempat ini. Belando pun biso menduduki Jambi di daerah Batang Merangin, Pulau Sangkar, dan jugo Sanggaran Agung. Selain itu, di Muko-Muko dan Indrapura, Belando biso menduduki Sungai Penuh, Rawang, Semurup, dan Siulak. Selanjutnyo Rawang dijadikan sebagai markas besar Belando untuk menyerang Dusun Lolo Kecil tempat Depati Parbo berado.