Wp/jax/Danau Toba
Danau Toba adolah danau yang paling besak di Indonesia dan jugo merupokan salah sikok kaldera yang paling besak di Indonesia. Sesuai dengan sebutannyo, Danau Toba merupakan danau tekto-vulkanik dengan panjang 100 kilometer dan jugo lebarnyo 30 kilometer yang ado di Provinsi Sumatra Utara, Indonesia. Danau Toba jugo merupokan danau paling besar yang ado di Asia Tenggara dengan luas sekitar 436 mil persegi, panjangnyo 62,14 mil. Tinggi permukaannyo adolah 2.969 ft dan volumenyo adolah 57,58 mil kubik.[1] Di tengah danau vulkanik ko ado sikok pulau yang cukup besak, namonyo Pulau Samosir.[2]
Sejarah
[edit | edit source]Danau Toba merupokan danau vulkanik yang paling besak di dunia. Danau sikok ni merupokan danau yang tebentok karno ado erupsi besak gunung berapi yang adi di kawasan sekitarnyo. Supervolcano yang dulu meledak tesebot sampe artikel iko dibuat dalam kondisi istirahat atau temasok ke dalam gunung berapi tipe B. Diketahui, peristiwa iko tejadi sekitar 74.000 tahun yang lalu.[2][3] Erupsi supervolcano yang terjadi iko merupokan salah sikok letusan gunung berapi yang paling besak dalam sejarah. Bahkan, letusan tesebut hampir matiin manusia dan hanyo sebagian keciknyo be orang yang biso selamat. Diperkirakan waktu itu terjadi penurunan populasi manusio dalam jumlah yang besar, sekitar 5.000 sampai 10.000 be orang yang biso bertahan dari erupsi iko.[3]
Letusan paling besak di dunia tesebut jugo berdampak pado iklim yang ado di dunia. Ketiko meletus gunung tesebut ngeluarin sekitar 2.800 kilometer kubik abu dan abu tesebut nutupin atmosfer bumi selamo 6 tahun. Akibat dari hal iko mako bumi waktu itu mempunyoi suhu udara yang dingin. Efek lainnyo adolah terjadi guncangan yang hebat termasuk tsunami besak di belahan dunia lain.[3]
Pulau di Danau Toba
[edit | edit source]Terdapat sekitar limo pulau yang ado di tengah Danau toba. Pulau-pulau tesebot ado karno terdapat tekanan ke atas dari magma yang belum keluar.[4]
Pulau Samosir
[edit | edit source]Pulau Samosir merupokan pulau yang ado di tengah danau paling besak nomor limo. Masyarakat yang tinggal di daerah pulau ini merupokan suku Batak dan terdapat setidaknyo limo kesukuan Batak, yaiitu Pakpak-Dairi, Angkola-Mandailing, Simalungun, Karo, dan Toba.[4]
Pulau Tao
[edit | edit source]Pulau Tao mempunyoi panjang cuman sekitar 1 kilometer bae dan letaknyo di sebelah timor Pulau Samosir. Dulunyo di pulau ini ado restoran samo hotel, tapi karena sepi wisatawan makonyo hotel yang ado pado tutup. Dari Pulau Tao iko, awak biso nengok langsung pemandangan Bukit Barisan dan jugo keseluruhan Pulau Samosir.[4]
Pulau Sibandang
[edit | edit source]Pulau Sibandang merupokan pulau paling besak keduo yang ado di Danau Toba dan letaknyo ado di Kecamatan Muara, Kabupaten Tapanuli Utara. Sebutan pulau iko adolah pulau mangga kareno merupokan penghasil buah mangga dengan raso yang manis.[4]
Pulau Tulas
[edit | edit source]Pulau Tulas teletak di Kecamatan Sianjur Mulamula, Kabupaten Samosir. Hinggo artikel iko dibuat, masih belum ado orang yang masuk ke pulau tesebut dan Pulau Tulas ko cuman ditumbuhi semak belukar dan jugo beberapo hewan bae.[4]
Pulau Toping
[edit | edit source]Pulau Toping berado di ujung Danau Toba, desa Silalahi Kabupaten Dairi. Pulau sikok ni merupokan pulau dengan luas yang kecil dan dikelilingin samo batu kecik-kecik yang tesusun rapi dengan sendirinyo, jadi kalau ditengok semakin cantik pesona alamnyo.[4]
Daftar Pustaka
[edit | edit source]- ↑ Dinas Kebudayaan & Pariwisata Provinsi Sumatera Utara. Danau Toba. Diakses pada 24 Juni 2022.
- ↑ 2.0 2.1 Wonderful Indonesia. Danau Toba. Diakses pada 24 Juni 2022.
- ↑ 3.0 3.1 3.2 Kistin Septiyani (5 Agustus 2021). "Sejarah Danau Toba, Letusan Gunung Api yang Hampir Musnahkan Manusia". Kompas.com. Diakses pada 24 Juni 2022.
- ↑ 4.0 4.1 4.2 4.3 4.4 4.5 Rusman Siregar (6 Juli 2018). "Sejarah Terbentuknya Danau Toba dan Pulau-pulaunya". sindonews.com. Diakses pada 24 Juni 2022.