Wp/jax/Abundjani

Letnan Kolonel Inf. (Purn.) Abundjani (lahir di Batang Asai, Sarolangun- Bangko, 24 Oktober 1918 dan meninggal di Jakarta, 1980) adolah salah sikok dari tokoh pejuang dari Jambi. Salah sikok peran Abundjani dalam kemerdekaan adolah ngebentuk Badan Keuangan Perjuangan yang mano mengurusi perdagangan karet ke Singapur dengan nyisihin 10% keuntungannyo untuk perjuangan.^[1]

Latar Belakang

Kolonel Abundjani merupokan pejuang Jambi yang lahir di Batang Asai, Sarolangun-Bangko yang mano kalo sekarang udah dipecah jadi kabupaten Sarolangun dan jugo Merangin. Abundjani lahir pado 24 Oktober 1918 yang merupokan anak dari seorang demang yang benamo Demang Makalam. Demang Makalam ko berasal dari Pondok Tinggi, Kerinci sedangkan maknyo Abundjani benamo Siti Umbuk yang asalnyo dari Desa Keladi.^[1] Abundjani merupokan anak ke-4 dari 5 bersaudara yang mano Abundjani mempunyoi kakak benamo Siti Rodiah dan Siti Raimin, sikok abang benamo M. Kamil dan sikok adek benamo M. Sayuti.^[2]

Di tahun 1926, Abundjani besamo dengan abangnyo M. Kamil dikirim ke Jambi untuk sekolah di bawah asuhan Ali Sudin. Ali Sudin merupokan salah sikok dari keponakan bapaknyo yang kerjo di kantor Kontrolir Jambi dengan jabatan juru tulis (clerk). Waktu itu, sebenarnyo Abundjani masih kecik dan masih berumur 8 tahun. Karno inilah makonyo Makalam nitipin keduo anaknyo di kawan Belandonyo yang kerjo di Bataafsche Petroleum Maatschappij (BPM). Dari sinilah sebenarnyo di maso dewasa Abundjani dan kakaknyo mahir berbahaso Belando.^[2]

Pendidikan

1931, menamatkan pendidikan di Hollandsc-Inlandsche School (HIS) selamo 7 tahun^[1]
1934, menamatkan pendidikan di Meer Uitgebreid Lager Onderwijs (MULO) Bandung^[1]
1940, mengikuti pendidikan di Middelbare Opleiding School Voor Inlandsche Ambtenaar (MOSCVIA) di Bandung (tidak tamat karno Indonesia lagi dijajah Jepang)^[1]
Di masa pendudukan Jepang, menamatkan pendidikan di Shonan Kao Kun Renjo (Sionanto) di Singapur selamo setahun^[1]

Daftar Pustaka

↑ ^1.0 ^1.1 ^1.2 ^1.3 ^1.4 ^1.5 Sapta Adi Prasetyo (30 November 2020). https://kumparan.com/sapta-adi-prasetyo/biografi-kolonel-abunjani-pejuang-dari-jambi-1ugnDxNprUj "Biografi Kolonel Abunjani Pejuang dari Jambi"]. kumparan.com. Diakses pada 24 Juni 2022.
↑ ^2.0 ^2.1 Waca Berita. Biodata Kolonel Abundjani Pahlawan yang Berasal dari Jambi. Diakses pada 24 Juni 2022.

[kumparan-1] 1.0 ^1.1 ^1.2 ^1.3 ^1.4 ^1.5 Sapta Adi Prasetyo (30 November 2020). https://kumparan.com/sapta-adi-prasetyo/biografi-kolonel-abunjani-pejuang-dari-jambi-1ugnDxNprUj "Biografi Kolonel Abunjani Pejuang dari Jambi"]. kumparan.com. Diakses pada 24 Juni 2022.

[wacaberita-2] 2.0 ^2.1 Waca Berita. Biodata Kolonel Abundjani Pahlawan yang Berasal dari Jambi. Diakses pada 24 Juni 2022.

[1]

[2]