Wp/isv/Tungusske jezyky

Razprostranjenje tungusskyh jezykov

Tungusske ili Tungussko-mandžurske jezyky sut grupa srodnyh jezykov, govorjemyh na obširnyh teritorijah v vozhodnoj Siberiji, Mongoliji i sěvernoj česti Kitaja. V prošedšesti one byli začisljene do rodiny altajskyh jezykov zajedno s turkijskymi i mongolskymi jezykami, ale dnes večinstvo jezykoznavcev mni, že shodnosti medžu tymi rodinami pravodpodobněje sut priznaky jezyčnogo sveza.

Iz pričiny asimilacije vse tungusske jezyky sut ogrožene izumrěnjem.

Podrazděljenje

• Tungusske jezyky
  • Sěvernotungusske (siberijske) jezyky
    • Evensky (lamutsky) (5.656 v Rosiji)
    • Evenkijsky (4.802 v Rosiji, 11.000 v Kitaju)
    • Negidalsky (74 v Rosiji)
  • Južnotungusske (amurske) jezyky
    • Jużnovozhodnotungusske jezyky
      • Nanajsky (goldsky) (1.347 v Rosiji, 40 v Kitaju)
      • Oroksky (47 v Rosiji)
      • Ulčsky (154 v Rosiji)
      • Oročsky (8 v Rosiji)
      • Udehejsky (103 v Rosiji)
    • Južnozapadne (mandžurske) jezyky
      • Mandžursky (20 v Kitaju)
      • Sibensky (Sibo) (30.000 v Kitaju)
      • Džurdžensky †