Wp/isv/Hunsriksky jezyk
Hunsriksky jezyk (Hunsrik ili Hunsrückisch) jest germansky jezyk, govorjeny glavno v južnoj Braziliji v štatah Rio Grande do Sul, Santa Catarina i Paraná, a kromě togo v Argentině, Čile, Paragvaju i Urugvaju. Njim govori okolo 3.000.000 němečskyh potomkov, ktori sut se v Braziliju počeli seliti od 1824 pa někde do početka Drugoj světovoj vojny. Prěz svoju historiju je byl minimalizovany do desetilětja 2000, kogda byl oficialno priznany. V dnju 18 julija 2007 hunsrik dobyl kod ISO 639-3 hrx.
Pravopisanje
[edit | edit source]Ačekoli jezyk dolgo ne byl standardizovany, nyně sut dva prědloženja za standarizaciju jegovogo pravopisanja:
- Prědloženje prof. Ursuly Wiesemann iz 2008 g. koristaje formu latinskogo alfabeta shodnu s pravopisom portugalskogo jezyka, osnovanu na praktičnoj upotrěbě od rodnyh govoriteljev i najčestěje učimu v školah.
- Prědloženje prof. Cléo Vilsona Altenhofena iz 2007 g. jest podobno do pravopisanja odpovědajučego narěčju govorjenomu v Němciji, s cěljem približenja hunsrikskogo i němečskyh jezykov.
- Jest i tretja sistema, prědložena Adriano Stefflerom, ktora sodrživaje 45 bukv iz latinskogo, kiriličskogo, armenskogo, koptskogo i grečskogo alfabetov, ale ne jest ni publikovana i ni upotrěbjajema.