Jump to content

Wp/isv/Homoseksualnost

Add links
From Wikimedia Incubator
< Wp | isv
Wp > isv > Homoseksualnost
Para lesbijek, ktori prazdnujut rěšeńje Vrhovnogo suda SŠA o poznańju jednopologo supružstva vo vsej državě.
Para gejev, ktori omužili se v SŠA poslě poznańja jednopolyh supružstv vo vsej državě.

Homoseksualnost jest romantično pritegańje, seksualno pritegańje ili seksualno vodžeńje medžu ljudami jednogo pola ili gendera.[1] Kako seksualna orientacija, homoseksualnost jest «postojanno čuvstveno, romantično i/abo seksualno pritegańje» k ljudam jednogo pola. Ona «takože opisyvaje čutje človeka o svojej identičnosti na osnově tutogo pritegańja, svezano vodžeńje i členstvo v občině s inymi, kto děli tako pritegańje».[2][3]

Razom s biseksualnostju i heteroseksualnostju homoseksualnost jest jedna iz trěh glavnyh kategorij seksualnoj orientacije v heteroseksualno-homoseksualnom kontinuumu.[2] Naučniki ne vědut točnoj pričiny seksualnoj orientacije, ale oni myslet, čto teoretično ju poradžaje složeno vzajemodějstvo genetičnyh, hormonalnyh i obsrědinnyh vlivov,[4][5][6] i ne mnet, čto ju možno izbrati.[4][5][7] Hot nijedna teorija o pričinah seksualnoj orientacije i ne imaje širokogo podpora, naučniki prědpočitajut osnovane na biologiji teorije.[4] Jest značno vyše dokazov v podpor nespoločnyh, biologičnyh pričin seksualnoj orientacije, čim v podpor spoločnyh, osoblivo dlja mužev.[8][9][10] Nemaje silnyh dokazov vlivu vozpitańja ili ranjih dětskyh prěživanij na seksualnu orientaciju.[11] Hot něktore ljudi i věret, čto homoseksualno vodžeńje jest neprirodno,[12] naučno raziskyvańje okazyvaje, čto homoseksualnost jest normalna i prirodna variacija v člověčskoj seksualnosti i sama ne jest iztočnik negativnyh psihologičnyh poslědstv.[2][13] Nemaje dostatočno dovodov, da by poddrživati upotrěbjeńje psihologičnyh vměšanij s cělju izměny seksualnoj orientacije.[14][15]

Najobyčajne slova dlja homoseksualnyh ljudij sut lesbijka dlja žen, gej dlja mužev i homoseksuali dlja mužev i žen razom. Procent ljudij, ktori sut homoseksualni, i proporciju ljudij, ktori nahodet se v jednopolyh romantičnyh odnošeńjah ili imali jednopole seksualne pokusy, sut složeno ocěniti točno dlja raziskyvateljev po redu pričin, vključajuči strah mnogih gejev i lesbijek otvorjeno identifikovati se tako za prědsudky i diskriminaciju, take kako homofobija i heteroseksizm.[16] Homoseksualno vodžeńje takože jest dokumentovano u mnogyh životin,[17] ale homoseksualnu orientaciju u inyh životin često ne strěčajut.[16]

Mnogi geji i lesbijki sut v oddanyh jednopolyh odnošeńjah, hot jedino s 2010. rokov spisy naseljeńja i politične uslovja stali ulegšati jih vidimost i kalkulaciju. Tute odnošeńja sut ravnoznačne heteroseksualnym v glavnyh psihologičnyh aspektah.[3] Homoseksualne odnošeńja i dějańja obdivjali, i osudžali, vo vsej znanoj nam historiji, zavisno od jih formy i kultury, v ktoroj one proizhodili. S konca 20. stolětja jestvuje světovo dvižeńje do svobody i ravnosti dlja homoseksualev, vključajuči vvod zakonodateljstva protiv šikańja homoseksualnyh dětij v školah, zakonodateljstva protiv diskriminacije, zabezpečeńje ravnoj sposobnosti služiti v armiji, ravnogo dostupa do zdravoohranjeńja, ravnoj sposobnosti adoptovati i imati dětij i ravno imati možnost svatiti se.

Iztočniky

[edit | edit source]
  1. ↑ "Definitions Related to Sexual Orientation and Gender Diversity in APA Documents" (PDF) (na anglijskom). American Psychological Association. 2015. str. 6. Data dostupa: 6 februara 2020.
  2. ↑ 2.0 2.1 2.2 "Sexual orientation, homosexuality and bisexuality" (na anglijskom). American Psychological Association. Bylo arhivovano iz iztočnika 8 avgusta 2013. Data dostupa: 10 avgusta 2013.
  3. ↑ 3.0 3.1 "Case No. S147999 in the Supreme Court of the State of California, In re Marriage Cases Judicial Council Coordination Proceeding No. 4365[...] – APA California Amicus Brief — As Filed" (PDF) (na anglijskom). str. 30. Data dostupa: 21 dekembra 2010.
  4. ↑ 4.0 4.1 4.2 Frankowski BL; American Academy of Pediatrics Committee on Adolescence (2004). "Sexual orientation and adolescents". Pediatrics (na anglijskom). 113 (6): 1827–32. doi:10.1542/peds.113.6.1827. PMID 15173519.
  5. ↑ 5.0 5.1 Mary Ann Lamanna; Agnes Riedmann; Susan D Stewart (2014). Marriages, Families, and Relationships: Making Choices in a Diverse Society (na anglijskom). Cengage Learning. str. 82. ISBN 1305176898. Data dostupa: 11 februara 2016.
  6. ↑ Gail Wiscarz Stuart (2014). Principles and Practice of Psychiatric Nursing (na anglijskom). Elsevier Health Sciences. str. 502. ISBN 032329412X. Data dostupa: 11 februara 2016.
  7. ↑ Gloria Kersey-Matusiak (2012). Delivering Culturally Competent Nursing Care (na anglijskom). Springer Publishing Company. str. 169. ISBN 0826193811. Data dostupa: 10 februara 2016. Most health and mental health organizations do not view sexual orientation as a 'choice.'
  8. ↑ Bailey JM, Vasey PL, Diamond LM, Breedlove SM, Vilain E, Epprecht M (2016). "Sexual Orientation, Controversy, and Science". Psychological Science in the Public Interest (na anglijskom). 17 (21): 45–101. doi:10.1177/1529100616637616. PMID 27113562.
  9. ↑ LeVay, Simon (2017). Gay, Straight, and the Reason Why: The Science of Sexual Orientation (na anglijskom). Oxford University Press. ISBN 9780199752966.
  10. ↑ Balthazart, Jacques (2012). The Biology of Homosexuality (na anglijskom). Oxford University Press. ISBN 9780199838820.
  11. ↑ "Submission to the Church of England's Listening Exercise on Human Sexuality" (na anglijskom). The Royal College of Psychiatrists. Data dostupa: 13 junija 2013.
  12. ↑ Robinson, B. A. (2010). "Divergent beliefs about the nature of homosexuality" (na anglijskom). Religious Tolerance.org. Data dostupa: 12 septembra 2011.
  13. ↑ ""Therapies" to change sexual orientation lack medical justification and threaten health". Pan American Health Organization. Bylo arhivovano iz iztočnika 23 maja 2012. Data dostupa: 26 maja 2012.
  14. ↑ American Psychological Association: Resolution on Appropriate Affirmative Responses to Sexual Orientation Distress and Change Efforts
  15. ↑ "Psychological practices that attempt to change sexual orientation: Position statement | APS". www.psychology.org.au (na anglijskom). Data dostupa: 28 januara 2020.
  16. ↑ 16.0 16.1 Levay S (1996). Queer Science: The Use and Abuse of Research into Homosexuality (na anglijskom). Cambridge, Massachusetts: MIT Press. str. 207.
  17. ↑ Bagemihl B (1999). Biological Exuberance: Animal Homosexuality and Natural Diversity (na anglijskom) (Stone Wall Inn izd.). New York City: St. Martin's Press. ISBN 9780312253776.

Vněšnje linky

[edit | edit source]
  • Tutoj članok imaje prěvod iz članka "Homosexuality" v Vikipediji na anglijskom (spis avtorov; dozvoljeńje CC BY-SA 4.0).

Retrieved from "https://incubator.wikimedia.org/w/index.php?title=Wp/isv/Homoseksualnost&oldid=6405866"