Jump to content

Wp/isv/Biseksualnost

From Wikimedia Incubator
< Wp | isv
Wp > isv > Biseksualnost
Horugva biseksualov i biseksualok, znajema kako horugva biseksualnoj gordosti

Biseksualnost jest romantično pritegańje, seksualno pritegańje ili seksualno vodžeńje k mužam i ženam razom,[1][2] ili k vyše čim jednomu polu ili genderu.[3] Jej takože možno izznačiti kako romantično ili seksualno pritegańje k ljudam vsakogo pola ili gendernoj identičnosti, čto takože jest znajemo kako panseksualnost.[4][5][6]

Izraz «biseksualnost» glavno koristajut v ramkah opisa člověčskogo pritegańja, da by označiti romantične ili seksualne čuvstva kako k mužam, tako i k ženam.[1][7] Razom s heteroseksualnostju i homoseksualnostju biseksualnost jest jedna iz trěh glavnyh kategorij seksualnoj orientacije v heteroseksualno-homoseksualnom kontinuumu. Biseksualna identičnost ne vsegdy jest ravna ravnomu seksualnomu pritegańju k mužam i ženam; obyčajno, ljudi, ktori imajut jasno, ale ne polno seksualno prědpočitańje jednogo pola ili gendera inym takože identifikovajut se kako biseksuali.[8]

Naučniki ne vědut točnoj pričiny seksualnoj orientacije, ale oni myslet, čto teoretično ju poradžaje složeno vzajemodějstvo genetičnyh, hormonalnyh i obsrědinnyh vlivov,[9][10][11] i ne mnet, čto ju možno izbrati.[9][10][12] Hot nijedna teorija o pričinah seksualnoj orientacije i ne imaje širokogo podpora, naučniki prědpočitajut osnovane na biologiji teorije.[9] Jest značno vyše dokazov v podpor nespoločnyh, biologičnyh pričin seksualnoj orientacije, čim v podpor spoločnyh, osoblivo dlja mužev.[2][7][13]

Biseksualnost jestvovala v raznyh človečskyh občinah[14] i srěd životin[15][16][17] vo vsej znanoj nam historiji. Izraz biseksualnost, jednakože, kako i izrazy hetero- i homoseksualnost, vniknul v 19. stolětju.[18]

Iztočniky

[edit | edit source]
  1. ↑ 1.0 1.1 "Definitions Related to Sexual Orientation and Gender Diversity in APA Documents" (PDF) (na anglijskom). American Psychological Association. 2015. str. 6. Data dostupa: 6 februara 2020.
  2. ↑ 2.0 2.1 Bailey, J. Michael; Vasey, Paul; Diamond, Lisa; Breedlove, S. Marc; Vilain, Eric; Epprecht, Marc (2016). "Sexual Orientation, Controversy, and Science". Psychological Science in the Public Interest (na anglijskom). 17 (2): 45–101. doi:10.1177/1529100616637616. PMID 27113562.
  3. ↑ "Understanding Bisexuality" (na anglijskom). American Psychological Association. 2019. Data dostupa: 8 mareca 2019.
  4. ↑ Soble, Alan (2006). "Bisexuality". Sex from Plato to Paglia: a philosophical encyclopedia (na anglijskom). 1. Greenwood Publishing Group. str. 115. ISBN 978-0-313-32686-8.
  5. ↑ Carroll JL (2015). Sexuality Now: Embracing Diversity (na anglijskom). Cengage Learning. str. 322. ISBN 978-1305446038.
  6. ↑ Rice, Kim (2009). "Pansexuality". V Marshall Cavendish Corporation (red.). Sex and Society (na anglijskom). 2. Marshall Cavendish. str. 593. ISBN 978-0-7614-7905-5. Data dostupa: 3 oktobra 2012.
  7. ↑ 7.0 7.1 LeVay, Simon (2017). Gay, Straight, and the Reason Why: The Science of Sexual Orientation (na anglijskom). Oxford University Press. ISBN 9780199752966.
  8. ↑ Rosario, M.; Schrimshaw, E.; Hunter, J.; Braun, L. (2006). "Sexual identity development among lesbian, gay, and bisexual youths: Consistency and change over time". Journal of Sex Research (na anglijskom). 43 (1): 46–58. doi:10.1080/00224490609552298. PMC 3215279. PMID 16817067.
  9. ↑ 9.0 9.1 9.2 Frankowski BL; American Academy of Pediatrics Committee on Adolescence (2004). "Sexual orientation and adolescents". Pediatrics (na anglijskom). 113 (6): 1827–32. doi:10.1542/peds.113.6.1827. PMID 15173519.
  10. ↑ 10.0 10.1 Mary Ann Lamanna; Agnes Riedmann; Susan D Stewart (2014). Marriages, Families, and Relationships: Making Choices in a Diverse Society (na anglijskom). Cengage Learning. str. 82. ISBN 1305176898. Data dostupa: 11 februara 2016.
  11. ↑ Gail Wiscarz Stuart (2014). Principles and Practice of Psychiatric Nursing (na anglijskom). Elsevier Health Sciences. str. 502. ISBN 032329412X. Data dostupa: 11 februara 2016.
  12. ↑ Gloria Kersey-Matusiak (2012). Delivering Culturally Competent Nursing Care (na anglijskom). Springer Publishing Company. str. 169. ISBN 0826193811. Data dostupa: 10 februara 2016. Most health and mental health organizations do not view sexual orientation as a 'choice.'
  13. ↑ Balthazart, Jacques (2012). The Biology of Homosexuality (na anglijskom). Oxford University Press. ISBN 9780199838820.
  14. ↑ Crompton, Louis (2003). Homosexuality and Civilization (na anglijskom). Cambridge, Massachusetts: Belknap Press. ISBN 978-0-674-01197-7.
  15. ↑ Bagemihl, Bruce (1999). Biological Exuberance: Animal Homosexuality and Natural Diversity (na anglijskom). London: Profile Books, Ltd. ISBN 978-1-86197-182-1.
  16. ↑ Roughgarden, Joan (maja 2004). Evolution's Rainbow: Diversity, Gender, and Sexuality in Nature and People (na anglijskom). Berkeley, CA: University of California Press. ISBN 978-0-520-24073-5.
  17. ↑ Driscoll, Emily V. (julija 2008). "Bisexual Species: Unorthodox Sex in the Animal Kingdom". Scientific American (na anglijskom).
  18. ↑ Harper, Douglas (2001). "Bisexuality". Online Etymology Dictionary (na anglijskom). Data dostupa: 16 februara 2007.

Vněšnje linky

[edit | edit source]
  • Tutoj članok imaje prěvod iz članka "Bisexuality" v Vikipediji na anglijskom (spis avtorov; dozvoljeńje CC BY-SA 4.0).

Retrieved from "https://incubator.wikimedia.org/w/index.php?title=Wp/isv/Biseksualnost&oldid=6384703"