Wp/isv/Florian Schneider

Florian Schneider v 1975

Florian Schneider-Esleben (7 aprilja 1947, Francuzska zona okupacije Němcije — 21 aprilja 2020, Düsseldorf) — němečsky muzikant-multiinstrumentalist, vokalist, založitelj i jedin iz dvoh ključnyh učestnikov vplyvnoj němečskoj grupy Kraftwerk. V novembru 2008 Florian Schneider oficialno izšel iz sostava grupy poslě 40 lět raboty s Ralfom Hütterom.

Rannje žitje

Schneider urodil se 7 aprilja 1947 roka vo francuzskoj okupacijnoj zoně na jugě Němcije, nedaleko od Bodenskogo jezera, na teritoriji, ktora v 1952 roku stane zemjeju Baden-Württemberg. Jego roditeljami byli Paul Schneider-Esleben, arhitektor, i jego žena Evamaria (urodženna van Diemen-Meyerhof). Florian byl jevrejem po materi; Paul oženil se na napolovinu jevrejkě Evamariji v 1946 roku protiv volji svojego otca, ktory ostaval věrnym nacistom. Rodina Schneidera prěseljela v Düsseldorf, kogda on imal 3 roka.

Kariera

Schneider razom s Ralfom Hütterom osnoval v 1968 godu grupu Organisation, ktora v 1970 godu byla prěobrazovana v Kraftwerk. Hütter i Schneider razom učili se v Akademiji umětnosti Remscheida. Togda Florian Schneider ješče ukazyval se s podvojnoju rodnoju nazvoju kako Florian Schneider-Esleben, jednako, počinaja od jednogo iz prvyh albumov Kraftwerk, stal imenovati se prosto Florian Schneider.

Početkovo igral na flejtě i poněkogda na skripkě, zvuk ktoryh nerědko propuščal obrabotku s pomočju elektronnyh efektov. Jednako, počinaja od albumu Kraftwerk «Autobahn» (1974), praktično prěstal igrati na akustičskyh instrumentah, oddavaje prědpočitanje elektronikě. S togo povodu v 1991 godu Schneider skazal slědujuče: Ja jesm seriozno zanimal se izučenjem, dopoka ne dostignul něktorogo uravnja, potom ja našel to nudnym. Ja jesm iskal inogo i zauvažil, že flejta mene silno ograničivaje... Skoro ja jesm kupil mikrofon, potom govoritelji, poslě eho-efekt i sintezator. Pozdněje, ja jesm izbavil se od flejty, vsečto to bylo někojim procesom.

Schneider, buduči osnovnym učestnikom Kraftwerk, byl velmi nemnogoslovny. Bez malogo vse intervju grupy daval jego bezizměnny partner po grupě Ralf Hütter.

Smrt

Umrl 21 aprilja 2020 goda v vozrastě 73 godov. Pričinoju smrti stal rak.. Pogreběny jest na Sěvernom grobišču (Nordfriedhof) Düsseldorfa.

Dodatočne fakty

• David Bowie nazval instrumentalnu kompoziciju na albumě Heroes v čest Schneidera «V-2 Schneider». Kraftwerk okazali veliky vplyv na jego tvorčestvo berlinskogo perioda v konce 1970-h.
• Florian Schneider ne izstupal na koncertah Kraftwerk v SŠA, ktore prohodili 19-26 aprilja 2008 goda. Zaměsto njego za pultom stojal Stefan Paffe, videoinženjer grupy.

Vněšnje linky

• Tutoj članok imaje prěvod iz članka «Шнайдер, Флориан» v Vikipediji na russkom (spis avtorov; dozvoljeńje CC BY-SA 4.0).