Wp/isv/Т-55

Т-55
	Фотографија танка Т-55
Opis
Klasifikacija	Срєдњи танк
Bojeva težina, t	36,0
Ustroj	Класичны
Ekipa, člověk	4
Historija
Tvoritelj	Харковскы конструкторскы уред машинобудованја
Proizvoditelj	СССР; Чехословакија; Пољска; Румунија;
Gody produkovańja	1958–1979
Gody eksploatacije	Од 1958 года до наших дњев
Kolikost izdělanyh	23600 танков
Osnovni koristniki	СССР; Србија и Чрна Гора; Източна Нємција; Чехословакија; Росија; Пољска; Сирија; Сєверна Кореја;
Razměry
Dolgost těla, mm	6200
Dolgost těla s orudjem naprěd, mm	9000
Širokost, mm	3270
Vyšina, mm	2350
Zazor nad zemjeju, mm	425
Pancyr (bronja)
Tip pancyra	Челичны ваљаны и литы панцыр
Čelo těla (vrh), mm/kut (vugol)	100 / 60°
Čelo těla (spod), mm/kut (vugol)	100 / 55°
Bok těla (vrh), mm/kut (vugol)	60 / 60°
Bok těla (spod), mm/kut (vugol)	80 / 0°
Zadnja čest těla (vrh), mm/kut (vugol)	30 / 60°
Zadnja čest těla (srědina), mm/kut (vugol)	45 / 17°
Zadnja čest těla (spod), mm/kut (vugol)	20 / 70°
Dno, mm	20
Strěha těla, mm	15-30
Čelo kupoly, mm/kut (vugol)	200 / 0°; 70 / 52°

Т-55 јест совєтскы срєдњи танк. Т-55 јест базованы на танку Т-54. Танк производили од 1958 до 1979 рока. Т-55 јест првы серијны танк в свєту, кторы был орудованы автоматичноју системоју противоједрној зашчиты (ПАЗ) - једна од првых бојевых машин новој генерације, кторе могут бојевати в условјах употрєбјенја једрного оружја. Стал првым танком в војсках, имајучим комплекс активној зашчиты (КАЗ «Дрозд»). Т-55 и јего модификација Т-55А были широко експортујемыми и тутчас сут в оруженју многых држав свєта.

Хисторија творјенја

Конструованје танка, базованого на срєдњем танку Т-54Б, почело се в 1957 року на Заводу № 183, руководитељем работы был Л. Н. Кравцев. Работа шла једночасно с организацијеју серијного продуктованја Т-54Б. Машина достала означенје «Објект 155». При конструованју Т-55 користали се все устројске рєшенја и технологије, кторе были добыте подчас модернизације Т-54. Прве опытне образце и прве сериијне танкы имєли куполу од танка Т-54Б. В 1957 року сут были сдєлане прве двє опытне машины. За период зима 1957 — весна 1958 опытне машины скончили државне изпробованја и 8 маја 1958 года постановјенјем Совєта министров СССР № 493-230 «Објект 155» был пријеты в оруженје Совєтској армије под означенјем Т-55.

Улєпшенја

Главно улєпшенје тутого танка јест в установјенју системы противоједрној зашчиты с сенсором рентгенского лученја.

Друге улєпшенја:

Повышенје мочности мотора на 60 конскых сил.
Установјенје термодымовој системы, ктора могла стварјати дымову прєграду, пушчајучи паливо в дымникову трубу танка.
Установјенје баков-полиц помогло увеличити коликост орудных гранат од 34 до 43 изстрєлов, а такоже помогло повысити објем паливных баков.
Дополњенје воздушных баков воздушным компресором за боље надежно пушченје мотора, схрањенје кондиције батариј, а такоже боље не было потрєбно мєњати изкористане воздушне бакы на нове, кторе сут были наполњене од внєшњего източника.
Автоматична система пожарогашенја «Роса».
В одличју од Т-54, Т-55 од почетка не имєл на собє куљемет ДШКМ тому, же против ракетных самолетов куљеметы боље не были ефективными. В концу 1960-х роков, когды јавили се противотанкове хеликоптеры, куљеметы изнова были установјене на танкы.

Серијно продуктованје

В 1958 року в Совєтском Сојузу почело се серијно продуктованје танков Т-55 и јего модификациј на Заводу № 75, Заводу № 183 и Заводу № 174. Продуктованје трвало се до 1979 рока. За все лєта серијного продуктованја танка в Совєтском Сојузу на заводу № 174 было издєлано 13 032 танков Т-55 и јих модификациј Т-55К, Т-55А, Т-55АК. По информацији западных медија, всего в СССР было издєлано 20 тысечиј Т-55 и всих јего модификациј. Кромє СССР танкы Т-55 продуктовали и в другых државах:

Пољска — 1500 танков Т-55 было издєлано в 1964-1978 лєтах.
Чехословакија — 1700 танков Т-55 было издєлано по лиценцији в 1964-1973 лєтах на заводу ZTS в граду Мартин.
Румунија — 400 танков Т-55 с означенјами TR-580 и TR-77 было издєлано в 1970-1977 лєтах.

Разклад продуктованја танка Т-55 и јего модификациј в Совєтском Сојузу
Год	Т-55	Т-55К	Т-55А	Т-55АК	Всего
1958	610	———	———	———	610
1959	1602	200	———	———	1802
1960	2194	100	———	———	2294
1961	2245	50	———	———	2295
1962	1626	50	20	———	1696
1963	225	50	465	———	740
1964	———	———	610	20	630
1965	———	———	466	4	470
1966	———	———
1967	———	———
1968	———	———			780
1969	———	———			800
1970	———	———
1971	———	———
1972	———	———
1973	———	———
1974	———	———
1975	———	———
1976	———	———
1977	———	———
1978	———	———
1979	———	———
Всего	8502	450	———	———	~13 287

Ефективност танка и јего модификациј

В концу 1950 роков и до почетка 1970 Т-55 был дост модерным танком. В 1980 роках, абы увеличити зашчиту и орудну моч застарєлого на тој час Т-55, было створјено много модификациј и улєпшениј танка (Т-55М, Т-55МВ, Т-55АД и друге). В 1990 роках нєкторе возходноевропејске државы (Румунија, Словенија и друге) такоже проводили улєпшенја танка Т-55.

Модификоване версије танка (Т-55М, Т-55МВ) имєјут велми слабы панцыр. Челны панцыр Т-55МВ може зауставити једино кумулативне (высоко експлозивне противотанкове) гранаты с пробитјем мєње, неж 250 мм по нормалє (под вуглом (кутом) 90 ступењев односно панцыра). РПГ-7 пробиваје приблизно 600 мм панцыра (чрєз динамичну зашчиту). Даже противотанкове контролујеме ракеты (ПТКР) 1970–80 роков имајут пробитје 400-800 мм панцыра. Т-55М имєје додаточне панцырне листы (300–400 мм), то увеличило тежину танка до 40 тон (друге модификације имајут 36–37 тон), але того такоже не је дост за добру зашчиту.

За всу војну в Сирији владне војска утратили выше, неж 800 танков, бољшест од кторых сут Т-54/55 и Т-72М.

По информацији на 2017 рок танкы Т-54/55 сут сјете од оруженја Росије (сут складоване), Индије, Пољскы, Нємције (сут достане од Източној Нємције) и другых држав. Једино в африканскых и нєкторых азиатскых државах Т-54/55 будут много популарными јешче не једно десетилєтје.

Внєшње линкы

Tutoj članok imaje prěvod iz članka «T-55» v Vikipediji na russkom (spis avtorov; dozvoljeńje CC BY-SA 4.0).