Wp/isv/Sěverna Amerika
Sěverna Amerika jest kontinent v Sěvernoj polsferě i bez malogo polno v Zapadnoj polsferě, razom s Južnoj Amerikoju stvarjajuči Ameriku. Na sěveru on imaje Arktičny okean, na vzhodu Atlantičny okean, na jugozhodu Južnu Ameriku i Karibsko morje, a na zapadu i jugu Tihy okean. Zato že ona jest takože na Sěvernoj Amerikanskoj tektoničnoj plitě, Grenlandija takože geografično jest vključena v Sěvernu Ameriku.
Sěverna Amerika jest tretji najveliky kontinent po prostoru, poslě Azije i Afriky, i 4. po naseljeńju po Aziji, Afrikě i Evropy. V 2013 godu jego naseljeńje bylo ocěnjeno v kolo 579 milionov ljudij v 23 nezaležnyh državah, ili kolo 7,5% naseljenja v světu.
Prve ljudi dostignuli Sěvernu Ameriku v Poslědnji ledničny period črěz prěpravu na Beringovom nazemnom mostu priblizno od 20 000 do 17 000 lět nazad. Tako nazvany Paleoindijansky period imal čas do kolo 10 000 lět nazad, čto bylo početkom Arhaičnogo perioda. Klasičny period byl grubo od 6. do 13. stolětij. Prvi znani evropejci, ktori posětili Sěvernu Ameriku (kromě Grenlandije), byli skandinavci v kolo 1000. goda. Dojezd v Ameriku Hristofora Kolumba v 1492 godu počel transatlantičny obměn, ktory vključal migraciju evropejskyh oseljencev v Eru odkrytij i rany moderny period. Moderne kultury i narody Ameriky odražajut vzajemodějańja medžu evropejskymi kolonistami, domorodnymi narodami, afrikanskymi nevoljnikami, imigrantami iz Evropy, Azije, i potomkami tutyh grup.
Spis držav
[edit | edit source]V Sěvernoj Amerikě sut 23 nezaležne državy i red zavisnyh ozemij.
Zavisne državy i ozemje:
Vněšnje linky
[edit | edit source]- Tutoj članok imaje prěvod iz članka "North America" v Vikipediji na anglijskom (spis avtorov; dozvoljeńje CC BY-SA 4.0).