Wp/isv/Слуга народа (сериал)
| Слуга народа Слуга народу | |
|---|---|
| Образ |  |
| Жанр | Комедија, политична сатира |
| Крај продукције |  Украјина |
| Језык | русскы, украјинскы |
| Продукција | Студио Квартал 95 |
| Лєта | 2015–2019 |
| Сценарист | Андриј Јаковљев, Олексиј Кирјушченко, Јуриј Костјук |
| Режисер | Олексиј Кирјушченко |
| Продуцент | Володымыр Зеленскыј, Андриј Јаковљев, Борыс Шефір, Олексиј Кирјушченко |
| Оператор | Серхиј Кошељ |
| Музика | Андриј Кирјушченко |
| Главне роље | Володымыр Зеленскыј, Станислав Боклан |
| Сезоны | 3 |
| Епизоды | 51 |
| Формат | 16:9 |
Слуга народа (ukr.: Слуга народу) јест украјинскы сериал в жанру политична сатира, изтворјена студијеју Квартал 95 об избиранју учитеља хисторије президентом Украјины.[1] Главноју рољу учитеља хисторије, Васиља Голобородко, играл Володымыр Зеленскиј, кторы потом је заисто стал президентом Украјины.
Премиера првого сезона је состојала се 16 новембра 2015 года.[2]
В году 2018 была зарегистрована политична партија названа в имену сериала.[3]
В 2023 году была сдєлана пољска версија украјинского телесериала под назвоју «Sługa narodu», в кторој пољскы актор Марцин Хыцнар играје рољу учитеља и потом президента Пољскы, Игнацы Конечны.[4]
Повєст
[edit | edit source]Васыљ Петровыч Голобородко (Володымыр Зеленскыј) јест разсєјаны учитељ хисторије в срєдњеј школє, кторы живе с родитељами и сестроју в апартаменту. Когда он изкрикаје колегє цєлу бєсну тираду против владє за корупцију, једин јегов ученник тајно записываје го својим мобилным телефоном и додаваје ово видео в Јутув. Быстро видеозапис јест огледєны милионами људами и Голобородко стане велика сенсација в интернету. Јегови ученники с помочју краудфандинга начинајут сбирати гроши необходиме за регистрацију јеговој кандидатуру на президентске изборы в Украјинє, ачеколи сам Голобородко о том јешче не знаје. Убєджены својими ученниками и прєможены подпором граджанов, он суглашаје се и региструје се на изборы. С успєхом, ибо неочекывано он изигрываје изборы. Голобородко – просты, искрены и принципиалны учитељ хисторије, «једин из нас» – начинаје ново житје како президент Украјины. На почетку Голобородко јест прєполњены својими новыми одговорностами, але поступно вживаје се в своје обвезкы и рєшаје, же заисто буде борити се с корупцијеју срєд олигархов в својеј владє.
- Fragmenty s teleseriala «Sluga naroda»
- Из првого сезона (2015)
«Буду президентом.» - Из второго сезона (2016)
Голобородко в Врховној радє
Актори
[edit | edit source].jpg)
- Володымыр Зеленскыј — Васыљ Голобородко (учитељ хисторије, потом президент Украјины)
- Станислав Боклан – Јуриј Чујко (корумпованы премиер-министр Украјины)
- Јевген Кошовыј – Сергиј Мухин (министр внєшњих дєл Украјины)
- Олена Кравец – Ољга Мишченко (бывша жена Голобородка, глава Националного банка Украјины)
- Јуриј Крапов – Мыхајло Санин (глава фискалној службы)
- Мика Фаталов – Микаељ Тасуњан (глава Службы безпечности Украјины)
- Олександр Пикалов – Иван Скорык (министр зашчиты Украјины)
- Ољга Жуковцова – Оксана Сковорода (заступница министра внєшњих дєл)
- Виктор Сарајкин – Петро Голобородко (отец Васыља Голобородка)
- Катерына Кистењ – Свитлана Сахно (сестра Васыља Голобородка)
- Наталија Сумска – Марија Голобородко (мати Васыља Голобородка)
- Анна Кошмал – Натаља (племеница Васыља Голобородка)
- Степан Казанин – Заступник Васыља Голобородка
- Валентына Ишченко – Белла Рудолфивна (секретарка Васыља Голобородка)
- Халына Безрук – Анна Мыхајливна (совєтница и љубовница Васыља)
- Георгиј Поволоцкыј – Тоља (глава охраны)
- Дмытро Суржиков – Дмытро Суриков (премиер-министр Украјины)
Список сезонов
[edit | edit source]Телесериал состоји из трех сезонов:
| Сезон | Епизоды | Прва емисија в Украјинє | |
|---|---|---|---|
| Зачеток сезона | Конец сезона | ||
| 1 | 1-24 (24) | 16 новембра 2015[5] | 9 декембра 2015[5] |
| 2 | 25–48 (24) | 23 октобра 2017[6] | 16 новембра 2017[6] |
| 3 | 49-51 (3) | 27 марца 2019[7] | 28 марца 2019[7] |
Източникы
[edit | edit source]- ↑ "Слуга народу". 1+1. Bylo arhivovano iz iztočnika 26 junija 2016. Data dostupa: 26 junija 2016.
- ↑ "Ситком «Слуга народу» від студії «Квартал 95» стартує на «1+1» 16 листопада (укр.)". Bylo arhivovano iz iztočnika 22 dekembra 2015. Data dostupa: 21 novembra 2015.
- ↑ "Минюст зарегистрировал партию 'Слуга народа'" [The Ministry of Justice registered the party 'Servant of the People']. Ukrainian News Agency (na russkom). 26 aprilja 2018.
- ↑ "Sługa narodu". Polsat (na poljskom). Data dostupa: 26 aprilja 2025. (официалны вебсајт)
- 1 2 "Sezon 1: Sługa narodu". Filmweb.pl (na poljskom). Data dostupa: 26 aprilja 2025.
- 1 2 "Sezon 2: Sługa narodu". Filmweb.pl (na poljskom). Data dostupa: 26 aprilja 2025.
- 1 2 "Sezon 3: Sługa narodu". Filmweb.pl (na poljskom). Data dostupa: 26 aprilja 2025.
Внєшње линкы
[edit | edit source]- Официалны вебсајт (архивовано)
- «Слуга народа» на вебсајту 1+1 (архивовано)
- Профил на IMDb