Wp/isv/Kraftwerk

Kraftwerk (s němečskogo — «elektrostancija») jest němečska muzikalna grupa iz Düsseldorfa, ktora vnesla značny vklad v razvivanje elektroničnoj muziky. Grupa byla osnovana v 1968 godu Florianom Schneiderom i Ralfom Hütterom, ale široku znamenitost nabyla, kogda stala kvartetom, do ktorogo prilučili se takože Wolfgang Flür i Karl Bartos. Prvym objedinjejem tyh muzikantov byl kvintet, ktory nazyval se Organisation.

Muzika

V rannjih rabotah Organisation i Kraftwerk (do albuma «Autobahn», 1974) muzyka byla eksperimentalnoju i prěvažno ne elektroničnoju. Prěvažajučimi stiljami byli krautrock i avangarda. Togda Kraftwerk surabotali s vplyvnym zvukoinženjerom Conny Plankom (on takože surabotal s Can, Neu!, Eurythmics), a takože eksperimentovali s različnymi muzikantami. Srěd učestnikov Kraftwerk byli Michael Rother, Klaus Dinger, ktori pozdněje osnovali grupu Neu!.

Album «Autobahn» (1974) stal prělomnym momentom ne samo jedino dlja grupy, ale i dlja vsej sovrěmennoj muziky, on pokazal možlivost sintezatorov i elektroniky togo časa. Tema kompozicije Autobahn, ktora nadala ime albumu, jest jezda na avto po němečskym avtomagistraljem. Trvanje tej kompozicije jest vyše 22 minut, ona zajmala cělu stranu vinilovoj plastinky.

Počinajuči s 1974 goda muzika stala menje eksperimentalnoju. Slědujuče tri albumy sut «Radio-Activity» (1975), «Trans-Europe Express» (1977) i «The Man-Machine» (1978). Oni takože značno vplyvli na razvivanje elektroničnoj i sovrěmennoj muziky. Na tyh albumah sut take hity, kako «Das Model», «The Robots», «Trans-Europe Express», «Radioactivity», «Neon Lights», «Showroom Dummies».

Kraftwerk sut sozdateljami stilja elektro, često grupě Kraftwerk pripisyvaje se sozdanje stilja tehno. Oni byli jednoju iz najprvějših pop-grup, stvorivših (ne avangardnu) muzikalnu kompoziciju toliko za pomočju elektroničnyh instrumentov. Navet glas poněkogda sozdaval se s pomočju generatora ili propuščal črěz vokoder, stavajuči robotopodobnym.

V 1980-h rokah grupa izpustila ješče 2 albumy «Computer World» (1981) i «Electric Cafe» (1986), a takože vněalbumovy singl «Tour de France». Poslě togo poslědovala vělika pavza, v času ktoroj Kraftwerk sdělali několiko koncertnyh turov s videoprojekcijami, izpustili ponovno obrabotane, sovrěmenno zvučeče versije staroj kompozicije «The Mix», (1991).

Prvoju novoju kompozicijeju, izpuščenoju poslě albuma «Electric Cafe» (1986), stala «Expo 2000» izpuščena singlom v 1999 (k vsesvětovoj izstavě 2000 roka v Hannoverě).

V 2003 roku byl izpuščeny dolgočekany album «Tour de France Soundtracks», zvučeči sovrěmenno, ale v tom samom vrěmenu iztrpěny v stilju grupy. Za izpuskom albuma poslědovalo světovo turne, materialy ktorogo stali osnovoju koncertnyh CD i DVD «Minimum-Maximum» (2005).

V januaru 2009 roka, suglasno oficialnym danym EMI, grupu opustil jedin iz jej založiteljev — Florian Schneider, pracovavši s Kraftwerk nemalo 40 rokov. Jego město zajel Stefan Praffe, ranje pracovavši videoinženjerom grupy.

V koncu 2009 — početku 2010 roku Kraftwerk objavili o zapisu novogo studijnogo albuma. O nazvě i datě izpuska ne bylo vědomo, ale učestniki pověděli, že ljubitelji budut mogti radovati se novym materialom uže v koncu 2010 roku, jednako album tako i ne byl izpuščeny.

V oktobru 2011 roku butleg-album grupy pod nazvoju «K4», izpuščeny v 1971 roku, zajel 14-o město v spisku 50 velikyh butlegov rok-n-rola po versiji časopisu Uncut.

V aprilju 2012 roku grupa sdělala seriju koncertov v Muzeju sovrěmennoj umětnosti v New-Yorkě, kde každo izstupjenje bylo posvečeno jednomu iz albumov. Podčas togo izstupjenja Ralf Hütter potvrdil, že kolektiv pracuje nad novym materialom i planuje izpustiti novy studijny album, jednako tuto oběčanje ne bylo izpolnjeno.

Sostav

Tutčasny sostav

• Ralf Hütter — vokal, vokoder, sintezator, klavišne (1970 — Template:Wp/isv/N. v.), organ, udarne, bas-gitara (1970—1974)
• Falk Greiffenhagen — elektronična perkusija, zvukoinženjer (2013 — Template:Wp/isv/N. v.)
• Henning Schmitz — elektronična perkusija, klavišne na koncertah (1991 — Template:Wp/isv/N. v.), zvukoinženjer (1978—naše dnji)
• Georg Bongart — videoinženjer (2023 — Template:Wp/isv/N. v.)

Byvše učestniki

• Fritz Hilpert — elektronična perkusija, zvukoinženjer (1987—2022)
• Florian Schneider — sintezator, bek-vokal, vokoder, flejty, saksofon na koncertah, perkusija, gitara, skripka (1970—2008, uměr v 2020 roku)
• Houschäng Néjadepour — elektro-gitara (1970—1971)
• Plato Kostic — bas-gitara (1970)
• Peter Schmidt — barabany (1970)
• Charly Weiss — barabany (1970)

• Thomas Lohmann — barabany (1970)
• Eberhard Kranemann — bas-gitara (1970—1971)
• Andreas Hohmann — barabany (1970)
• Klaus Dinger — barabany (1970—1971; uměr v 2008)
• Michael Rother — elektro-gitara (1971)
• Emil Schult — elektro-gitara, elektro-skripka (1973)

• Wolfgang Flür — elektronična perkusija (1973—1987)
• Klaus Röder — elektro-gitara, elektro-skripka (1974)
• Karl Bartos — elektronična perkusija, vibrafon na koncertah, klavišne na koncertah (1975—1991)
• Fernando Abrantes — elektronična perkusija, sintezator (1991)
• Stefan Pfaffe — videoinženjer (2008—2012)

Časova škala

Diskografija

Studiove albumy

• Kraftwerk (1970)
• Kraftwerk 2 (1972)
• Ralf und Florian (1973)
• Autobahn (1974)
• Radio-Activity (1975, němečska versija albumu: Radioaktivität)
• Trans-Europe Express (1977, němečska versija albumu: Trans Europa Express)
• The Man Machine (1978, němečska versija albumu: Die Mensch-Maschine)
• Computer World (1981, němečska versija albumu: Computerwelt)
• Electric Cafe (1986, prvonačelna nazva Techno Pop, jestvuje takože němečska i ispanska versija albumy)
• The Mix (1991, nove zapisi jestvujučih pěsnjev, jestvuje takože němečska versija albumu)
• Tour de France Soundtracks (2003)

Sborniki

• Der Katalog (2009), boks-set, kolekcija remasterovanyh albumov
• Remixes (2020), sbornik remiksov s 1991 po 2007

Koncertne albumy

• Minimum-Maximum (2005), takože izpuščen na DVD
• 3-D The Catalogue (2017), 3D video sbornik izstupjenjij grupy v period s 2012 po 2016 rok

Klipy

• Autobahn (1975)
• Radioactivity (1975)
• Antenne (1975)
• Trans-Europe Express (1977)
• Showroom Dummies (1977)
• Die Roboter (1978)
• The Model (1980)
• Pocket Calculator (1981)
• Tour de France (1983)
• Musique Non-Stop (Boing Boom Tschak) (1986)
• The Telephone Call (1987)
• The Robots (1991)
• Tour de France (Etape 2) (2003, 2005)
• The Robots (3D-Edit) (2013, 2017)

Singly

• 1973 Comet Melody (němečska nazva: Kohoutek-Kometenmelodie)
• 1974 Autobahn
• 1975 Comet Melody 2 (němečska nazva: Kometenmelodie 2)
• 1976 Radioactivity
• 1977 Trans-Europe Express
• 1977 Showroom Dummies
• 1978 The Robots
• 1978 The Model/Das Modell
• 1978 Neon Lights
• 1981 Pocket Calculator
• 1981 Computer Love
• 1981 Computerwelt
• 1981 The Model
• 1982 Showroom Dummies
• 1983 Tour de France
• 1984 Tour de France (Francois Kevorkian remix)
• 1986 Musique Non Stop
• 1987 The Telephone Call
• 1991 The Robots (nova versija s albumy The Mix)
• 1991 Radioactivity (nova versija s albumy The Mix)
• 1999 Tour de France (re-release)
• 1999 Expo 2000 (1999)
• 2003 Tour de France 2003
• 2003 Elektro Kardiogramm (promo only radio mix)
• 2004 Aerodynamik

Solne albumy učestnikov

Karl Bartos

• Communication (2003) — соло
• Off the Record (2013)

S projektom Elektric Music:

• Esperanto (1993)
• Electric Music (1996)

Wolfgang Flür

• Time Pie (1997) (projekt Yamo)
• I was a Robot (2011)

Vněšnje linky

• Tutoj članok imaje prěvod iz članka «Kraftwerk» v Vikipediji na russkom (spis avtorov; dozvoljeńje CC BY-SA 4.0).
• Oficialny sajt Kraftwerk
• Russkojezyčny sajt grupy