Wp/isv/Бабрујск
| běl.: Бабруйск; rus.: Бобруйск | |
 | |
 | |
| Administrativno děljeńje | |
|---|---|
| Država | Бєлорус |
| Област | Магиљовска област |
| Округ | Бабрујскы округ |
| Obča informacija | |
| Впрво спомнєны | 1387 |
| Plošča | 83,86 km² |
| Nasěljeńje (2020) | 212 200 ljudij |
| Časova zona | UTC+3 (MSK) |
 Бабрујск na kartě | |
| Koordinaty: 53°09′N 29°14′E / 53.150°N 29.233°E | |
Бабрујск јест град в Бєлоруси, в Магиљовскоj области, административно срєдишче Бабрујского округа. Град стоји на рєке Бјарезина. Насељенје града јест 212200 льудиј на 2020 год.[1]
Бабрујск јест једин из најстарых градов Бєлоруси. Впрво споминајут в писемных източниках в 1387 году, але јешче во владу Владимира Великого на мєсту соврєменного Бабрујска јествовало село, обыватељи кторого зајмали се рыболовом и ловом бобров. Од бобров и произходи назва града.
В епоху владанја градом Великого кнежства Литовского Бабрујск был важноју пограничноју крєпостју кнежства. Крєпост на једном из холмов у рєкы Бјарезина сбудовали в 14. столєтју.
Послє второго раздєла Пољскы Бабрујск стала пограничным градом Росијској империје. В 1810 году росијани почели будовати коло Бабрујска нову крєпост. В час впада Наполеона в Росију крєпост была сбудована једино честично, але јеј обсада потрвала 4 мєсеца. Послє Наполеоновых војн в Бабрујску силно израсло число обыватељев-јеврејев.
Послє Росијского повстанја град стал честју Бєлорусској совєтској социалистичној републикы, а потом Совєтского сојуза. В час Другој свєтовој војны Бабрујск захватили војска нацистичној Нємције. 20 тысечев бабрујскых јеврејев нацисти почетково принудили жити в Бабрујском гету, а потом убили. 29 јунија 1944 года Чрвена армија освободила Бабрујск од нацистичных војск. Град был в руинах, а јего насељенје снизило се од 84107 људиј в 1939 году до 28352 људиј послє војны. Послє војны в Бабрујску стало жити вече људиј вслєд урбанизације.
Партнерске грады
[edit | edit source]Източникы
[edit | edit source]- ↑ "Численность населения на 1 января 2020 г. и среднегодовая численность населения за 2019 год по Республике Беларусь в разрезе областей, районов, городов и посёлков городского типа". belstat.gov.by (na russkom). Data dostupa: 15 avgusta 2021.
Внєшње линкы
[edit | edit source]- Официальны сајт (на русском)
- Tutoj članok imaje prěvod iz članka «Babruysk» v Vikipediji na anglijskom (spis avtorov; dozvoljenje CC BY-SA 4.0).