Wp/iba/Asi
 A bowl of cooked white rice | |
| Main ingredients | rice, water |
|---|---|
| 85 kcal (356 kJ)[1] | |
| Similar dishes | bap, biryani, risotto |
Asi nya berau ke udah ditanggar, sereta direbus tauka dikukus. Pengawa nanggar asi tu digaga kena ngeledaka aroma beras lalu ngasuh iya lembut agi sereta ulih diempa tang agi ngetanka konsistensi iya.
Chara nanggar asi
Berau ti deka dipanduk nya patut dibilas 3 kali dikena muai kanji ti lebih ari tiap igi beras ngambika berau ti udah dipanduk nya nyadi gebu, enda lemi sereta enda jampat bari.[2] Ai ti ditambah kena manduk beras mesti disukat ngambika manggai ba volume ti sama enggau pemayuh beras, udah nya mimit agi ditambah ba tikas tunjuk sepiak ngambika nyamai dikuap.[2][3] Rebus beras enggau ai ti lebih dalam proses rebus deka ngasilka bubur. Ba menua Asia enggau Amerika Latin, beras selalu iya dipanduk ngena rice cooker.
Chura asi ti udah dipanduk tauka dikukus bepanggai ba bansa beras ti dikena. Sechara umum, chura asi iya nya burak enti beras ke dikena nya burak. Berau mirah tauka berau burak deka ngasilka chura padi ti sebaka enggau chura berau. Kandungan amylose ti mimit dalam kanji beras deka ngasilka beras ti suah agi licin sereta lekat. Kanji glutinous, ti semina ngundan mimit aja amylose lalu nyau deka semua iya dalam tukuh amylopectin, ngembuan pengelebih ti baka nya. Berau Jipun (japonica) ungkup sushi ngundan tikas amylose urung 12-15% ngambika beras nya lekat agi ari beras ke diempa ba Asia Tropika ti ngembuan tikas amylose urung 20%. Ari sukut ke besai agi, padi ti ngembuan tikas amylose lebih ari 24% deka ngasilka asi ti enda lekat, keras, sereta mudah diseraraka.
Asi diempa tebal agi peranak Asia nyadika pun penatai karbohidrat dalam menu ninting hari. Asi nyadi pemakai ke pemadu beguna selalu iya diberi enggau lauk dikena nangkup asai sereta mega nangkup guna nutrisyen sebarang orang. Asi ulih diproses baru enggau ramu pemakai bukai nyadi lauk baru, baka asi guring, asi lemak tauka asi kerabu.
Malin
- ↑ "huinbap" 흰밥. Korean Food Foundation (id jaku Korean). Diambi 16 May 2017.[permanent dead link]
- ↑ 2.0 2.1 Nur (16 Januari 2020). "Cara Masak Nasi Putih, Beras Basmathi & Beras Perang Yang Gebu & Lembut". Rasa. Diambi 17 Mac 2022.
- ↑ Dan Souza (17 November 2018). The Best Way to Cook Rice is All About the Right Ratio | What's Eating Dan?. America's Test Kitchen. Diambi 17 Mac 2022.