Wp/hsn/湖南省
湖南省在中國亇位置
| |
| 省會 | 長沙市 |
| 面積 - 總面積 - 占全國面積 - 水域面積 |
第10位 21萬平方公里 2.19% ?% |
| 人口(2006年)[1] - 總人口 - 占全國比率 - 人口密度 |
第7位 6768.1萬人 5.15% 319／平方公里 |
| GDP(2007年) - 總值(2007) - 占全國比率 - GDP人均 |
第12位 9145億元 3.58% 13,000(RMB) |
| 方言 | 湘語/西南官話/贛語/客家語 |
| 行政區類別 | 省 |
| 省委書記 | 周強 |
| 省長 | 徐守盛 |
湖南省，跍得長江中游，因為到洞庭湖南頭所以叫“湖南”，有隻湘江所以簡稱湘，是中華人民共和國腳頭亇一級行政區；肚裡有赫多芙蓉，古詩有“秋風萬里芙蓉國”噶句子，所以又被喊噠做“芙蓉國”。湖南亇省會是長沙市，省政府跍得天心區湘府路。與湖北省、江西省、廣東省、廣西壯族自治區、貴州省跟噠重慶市搭界。
歷史
[edit | edit source]寧鄉縣、安鄉縣、津市市、澧縣、道縣和平江縣等地考古挖出來亇文物證明湖南高頭到40萬年前就有噠舊石器時期亇人類活動。一萬年前湖南先民就栽噠稻穀，五千年前就開始定居生活。
湖南在原始社會時季主要亇民族是三苗、百濮跟揚越，到夏、商和西周時是荊州南邊亇檔頭，但冇進中原個實際統治範圍。春秋、戰國時季在楚國統治亇腳頭。秦朝設在湖南噠黔中、長沙兩郡；西漢時季屬荊州刺史轄區，腳頭有武陵郡、桂陽郡、零陵郡和長沙國。三國時有吳國荊州個荊南四郡，西晉屬噶荊州和廣州，東晉屬噶荊州、湖州、江州，南朝宋、齊、梁時分屬噶湘州、郢州跟荊州個一細塊，南朝陳時屬噶荊州跟沅州。
隋統一噶全國後，在湖南搞出長沙、武陵、沅陵、澧陽、巴陵、衡山、桂陽、零陵八隻郡。唐代屬山南東道、江南西道跟黔中道、黔中道黔州都督府，唐朝廣德二年（764年）搞噠一隻湖南觀察使，箇是第一隻喊做湖南個行政區；五代十國時期，馬殷跍得湖南，立噠隻楚國，國都為長沙。
宋朝，湖南屬荊湖南路跟荊湖北路，湖南就是在嗰時季發跡亇。那時，宋朝亇四大書院，湖南就佔噠高頭兩隻。元朝搞噠隻湖廣等處行中書省，管今日亇湖南、貴州跟噠廣西。明朝時季，湖南屬湖廣布政司。清朝康熙年間，湖廣分出噠左右兩隻布政司，右布政使司就改成噠湖南布政司，差不多就是今日湖南省亇那一塊。
南京國民政府在民國二十六年(1937年)搞出行政督察專員公署，全省分成九隻區（1938年改到十隻區），後頭成立長沙（1933年）、衡陽（1943年）兩隻市。湖南是抗日戰爭拉鋸戰亇一隻主要戰場。湖南高頭發生噠長沙會戰、常德會戰、衡陽戰役和湘西會戰四隻主要大會戰。長沙、衡陽下在戰爭時季被毀盡噠。1949年國民政府奔台灣以前，湖南省腳頭兩隻市、十隻行政監督區、七十七隻縣，湖南省政府跍得長沙。
中華人民共和國成立以後，調噠赫多回區劃，今日省政府腳頭有十三隻地級市和一隻自治州，還有122隻縣級行政區。
行政區劃
[edit | edit source]| 長株潭 | 長沙市、株洲市、湘潭市 |
| 環洞庭湖 | 岳陽市、益陽市、常德市 |
| 大湘西 | 張家界市、湘西土家族苗族自治州、懷化市、邵陽市、婁底市 |
| 大湘南 | 衡陽市、永州市、郴州市 |
資料來源與備註
[edit | edit source]外部連結
[edit | edit source]| Script error: No such module "Portal". |
|
Template:Wp/hsn/Wikisource |
Template:Wp/hsn/Provinces of China