Wp/hrx/Citrus × latifolia
| Citrus × latifolia | |||||||||||||||
|---|---|---|---|---|---|---|---|---|---|---|---|---|---|---|---|
 | |||||||||||||||
| Wisseschaftlich Klassifikeerung | |||||||||||||||
| |||||||||||||||
| Binomiaaler Naame | |||||||||||||||
| Citrus × latifolia (Tanaka ex Yu. Tanaka) Tanaka, 1951 | |||||||||||||||
Die Citrus × latifolia (aach internazionaal als Tahitilimm un gewehnlich im Brasilje als Zitron bekannt) is en Citrusfrucht noh eer Uersprungsplatz benennd.[1]
Uersprung[edit | edit source]
Limme gedeihe hauptsechlich in de subtropische un tropische Rëghione fun de Äerd, wo die Fricht meerst enstatt de Zitrone benutzd werre. Im Mittelelter hod die Frucht mit de Kreizfaarer noh Italje un fun dart aanfangs noh Frankreich un Spanje aankomm.
Beschreivung[edit | edit source]
De immergriene, baamaartiche Strauch werd sticker 5 bis 6 Meter hogh. Er werd aan de Nest mit bis zu 1 cm lange Derner geschitzd. Die Bletter sin dunkelgrien mit leichtem geflittem Blaatstengel un 6–7 × 10–13 cm grose Bletter (latifolia bedeid «mit breide Bletter, breidblettrich). Die Blaatrand is en bissje gesehd. Die Blumme sin weis, fier- bis finnefblettrich, sticker 3 Zentimeter im Dorrichmesser un stehn zu mehre in de Blaatachsel.
De Strauch draad aach in Vaase jedes Joher fiele aromatische Fricht un brauchd keen Poliniseerung, wal sein Fricht partenokarp sin. Die Reifezeid (Merz bis Dezember) is wesentlich kerzer wie de Zitron.
Die Frucht hod en grien Scheels, dass wenn Follreif gelleb werd.[2] Sie messd sticker 5 Zentimeter im Dorrichmesser un hod sauer Fruchtfleisch, dass in 9 bis 11 Sëgmente unnerdeeld werd. Im Geghedeel zu annre Citrusfricht kann die Frucht nore unner Schwierichkeede odder gaar net gescheeld un in Sëgmente abgedeeld werre. Die Faareb fum Fruchtfleisch is bei alle Limme en blass Grien. Sie is neechst immer kernlos weche eerer tetraploide Cromosomesatz sterile Ove abbild.
Benutzung[edit | edit source]
Wie aach die echt Limm werd-se hauptsechlich fer die Erschaffung fun Saft un wesentliche Eel benutzd. Bekannte Gedrenk uff de Basë fun do de Limm sin Caipirinha, Daiquiri, un Mojito[3]. In de persische Kich werd de Saft fun do de Limm fer die Aromatiseerung fun Schwarztee benutzd. Aach gedrockend finne die Limm, dann Loomi genennd, in de Kich als seierlich Gewerz Benutzung.
Literatuer[edit | edit source]
- Bernhard Voß (1997): Citruspflanzen von Tropisch bis Winterhart. Humbach & Nemazal, ISBN 3-9805521-3-6
- Bernhard Voß (2005): Zitruspflanzen. Franckh-Kosmos Verlags-GmbH, ISBN 3-440-10174-6
- Hans-Peter Maier (2006): Zitruspflanzen. Gräfe und Unzer Verlag, ISBN 3-7742-8839-9
Berufunge
- ↑ «Quantos tipos de limão existem?». Portal Mundo Estranho.
- ↑ Tahiti Lime
- ↑ Carla Rocha (12. Februar 2015). «Cinco receitas de caipirinhas e caipiroskas». Gazeta do Povo