Wp/hrx/Frankreich
| République Française | |||||
| Franzeesich Rëpublik | |||||
| |||||
| Waalspruch: Liberté, Égalité, Fraternité "Freiheed, Gleichheed, Briderlichkeed" | |||||
| Offiziaalsproch | Franzeesisch | ||||
| Hauptstatt | Paris | ||||
| Staatsforrem | Eenheedrëpublik | ||||
| Rëghierungssistem | Sëmiprësidenziaal Demokratie | ||||
| Staatsowerhaupt | Prësident Emmanuel Macron | ||||
| Rëghierungsscheff | Eerster Minister François Bayrou | ||||
| Flech | 632.733,9 km² | ||||
| Populazion | 68.373.433 (2024) | ||||
| Populazionsdicht | 105 Inwohner pro km² | ||||
| Wärung | Ëuro (EUR) | ||||
| Nazionaalhimm | La Marseillaise | ||||
| Zeidzone | UTC+1 UTC+2 (Merz bis Oktover) | ||||
| Kennzeiche | F | ||||
| ISO 3166 | FR, FRA, 250 | ||||
| Internet-TLD | .fr | ||||
| Tëlefonforwaal | +33 | ||||
.svg) Laagh fun Frankreich | |||||
Frankreich, offiziaal die Franzeesisch Rëpublik is en Land in Westëuropa. Zu seine Iwerseegebiede geheere Franzeesisch Gujana in Siedamerika, Saint Pierre un Miquelon im Nordatlantik, die Franzeesische Antille, sowie fiel Insle in Ozëaanje un im Indische Ozëaan. Desweche is Frankreich een fun de greste unferbunne ëxklusive ëkonomische Zone fun de Welt. Frankreich grenzd im Norde aan Belche un Luxemborrich, im Nordoste aan 
Deitschland, im Oste aan die Schweiz, im Siedoeste aan Italje un Monako, im Siede aam Andorra un Spanje un hod im Nordweste en Seegrenz zum Fereenichde Keenichreich. Es erstreckd sich fum Rein bis zum Atlantik un fum Mittelmeer bis zum Äärmelkanaal un dem Nordmeer. Sein achtzen intëgraale Rëghione (wo defun finnef in Iwersee leie) erstrecke sich iwer en Totaalflech fun 632.702 km² un hon im Januer 2025 en geschetzd Totaalpopulazion fun iwer 68,6 Millione Mensche. Frankreich is en sëmiprësidenziaal Rëpublik un sein Hauptstatt, greest Statt un wichtichst kulturaal un ëkonomisch Zentrum is Paris.
Frankreich gelld seid Joherhunnerde als globaal Zentrum fun Kunst, Wisseschaft un Filosofie. Es hod die fiertgreest Zaal UNESCO-Welterrve un is mit 100 Millione auslennische Besugher im Johergang 2023 das weltweid feerende Reesziel. Als Industrieland ferfieghd Frankreich iwer en weltweid hogh nominaal Pro-Kopp-Inkomme, un sein Ëkonomie is een fun de greste uff de Welt. Als ennes fun de finnef stenniche Mitglieder fun de Fereenichde Nazione eerem Sicherheedsrod un en ofiziaal Nuklëaarwaffestaat, is Frankreich en Grosmacht. Das Land is Mitglied fun ferschiedne internazionaale Organisazione un Fore.