Wp/grc/Ἄννα Ἀμαλία

From Wikimedia Incubator
< Wp‎ | grcWp > grc > Ἄννα Ἀμαλία
Jump to navigation Jump to search
Ἡ ἡγεμονὶς ἐν ἔτει 1795

Ἄννα Ἀμαλία (Γερμανιστί: Anna Amalia von Braunschweig-Wolfenbüttel, ἐγεννήθη τῇ 24 Ὀκτωβρίου 1739, ἀπέθανε τῇ 10 Ἀπριλίου τοῦ 1807) δούκισσα τῆς Sachsen-Weimar καὶ δεξιὰ μουσικοσυνθέτις ἦν.

Βίος[edit]

Κόρη τοῦ δουκὸς Καρόλου τοῦ Braunschweig-Wolfenbüttel καὶ ἀδελφῆς τινος τοῦ Μεγάλου Φρειδερίκου οὖσα, ἐγήματο τῇ 16 Μαρτίου 1756 τὸν δοῦκα Ἐρνέστον Αὔγουστον Κωνσταντῖνον τῆς Βαϊμάρας. Μετὰ δὲ τὸν πρόωρον θάνατον αὐτοῦ (1758), ὡδήγησε ἄχρι τοῦ 1775 ὡς θεματοφύλαξ τὴν ἀντιβασιλείαν ἀντὶ τοῦ υἰοῦ, ὃς ὕστερον ὁ εὐκλεὴς Μεγαδοὺξ Κάρολος Αὔγουστος ἐγένετο.

Τὰ ἀνάκτορα αὐτῆς ἐν Βαϊμάρα καὶ αἱ ἐπαύλεις ἀναψυχῆς ἐν Τιφούρτῃ/Tiefurt καὶ Ἔτερσμπεργκ/Ettersberg ἔτυχον ἐπιφανεῖς τόποι συναντήσεως τῶν μάλιστα διακεκριμένων ἀνδρῶν, οἳ τοτὲ μὲν ἐπεσκέπτοντο τὴν ἐπαρχίαν τοτὲ δὲ ἔνδον ἐβίουν.

Ἦν δὲ ἡ γυνὴ φύσει μουσικὸς ἐπίβολος, συνέθηκε γὰρ δὴ δι᾽ ὀρχήστραν καὶ θέατρον τὴν μουσικὴν τῆς ὀπέρας Erwin und Elmire βασιζομένης ἔργῳ τῳ τοῦ Γκαῖτε. Ἀκμαζούσης τῆς Βαϊμάρας καὶ εὐθενούντων τῶν καλλιτεχνικῶν, τὸ κλέος αὐτῆς μᾶλλον ἐπηυξήθη.

Ἐν Βαϊμάρᾳ ἵδρυκε πολυτελῆ βιβλιοθήκην, ἥτις ἄχρις ἡμῶν ἐπώνυμός ἐστιν (Anna-Amalia-Bibliothek).

Πηγαί[edit]

Meyers Großes Konversations-Lexikon, τομ 1. Λειψία 1905, σ. 406-407, ἃ ἀναγιγνώσκεται ᾧδε.

Εξωτερικοί σύνδεσμοι[edit]

Commons-logo.svg
Βικικοινά
Ἴδε τὰς εἰκόνας καὶ τὰ κοινὰ τά ἄλλα περὶ της Άννης Αμαλίας